İşğal olunmuş Fələstində sionist rejiminin ən radikal kabinetinin “Məhkəmə İslahatları”-na qarşı etirazların davam etməsi, vətəndaş müharibəsi ehtimalına dair narahatlığı, rejimdəki boşluğu və ordu daxilində itaətsizliyi gücləndirib.
Netanyahu kabineti əleyhinə ardıcıl olaraq üç aydır davam edən etirazlar sionist rejimi daxilində vətəndaş müharibəsi qorxusunu gücləndirib. Eyni zamanda Netanyahunun bu layihənin qəbul olunması və icra olunmsı üçün israrları, ordu daxilində itaətsizliyi də artırıb.
Xarici KİV-in verdiyi məlumata görə, İsrailin ehtiyat qüvvələrindən olan 200 pilot bildirib ki, məhkəmə sistemində dəyişiklik üçün Netanyahu kabinetinin layihəsinə etiraz olaraq artıq xidmət yerinə gəlməyəcəklər. Bu, rejimin hava qüvvələrinə ciddi şəkildə təsir edəcək.
İşğalçı ordunun digər bölümləri, o cümlədən paraşütçülər də buna oxşar mövqe sərgiləyiblər. Bundan əvvəl də hələ də bu qüvvələrin aktiv pilotlarından olan iki eskadronun 40 ehtiyat pilotunun 37-si bildirib ki, F-35 qırıcıları ilə planlaşdırılmış məşqlər də iştirak etməyəcəklər.
Hərbi rəhbərlər bu böhranın daxildə və xaricdə təhlükəsizlik riskləri barədə xəbərdarlıq ediblər. İşğalçı rejimin qərargah rəisi Herzi Halevi, son həftələrdə məhkəmə islahatlarına etirazlarda orduya gəlməkdən boyun qaçıran ehtiyat əsgərlərin sayının artmasına görə, Netanyahuya narahatlığını bildirib.
Halevi, Netahyahuya deyib ki, məhkəmə islahatları layihəsi qəbul olunduğu surətdə bu iş, silahlı qüvvələrdə dərin böhranla nəticələnəcək və İsrail ordusunun əməliyyat qüdrətinə ziyan vuracaq.
Bundan əvvəl sionist rejiminin Müdafiə naziri Yoav Gallant, Məhkəmə İslahatları layihəsinin qəbul prosesinin dayandırılmasına meyilli olmasını bildirərək xəbərdarlıq etmişdi ki, İsrail rejimi Netanyahu kabinetinin məhkəmə islahatları sayəsində təhlükəli uçuruma tərəf gedir.
Buna baxmayaraq, Netanyahu, məhkəmə islahatlarını himayə etməsindən nəinki geri çəkilməyib, əksinə, onun qəbul olunması üçün şəxsən özünün müdaxilə edəcəyini bildirib. Eyni zamanda sionist rejiminin baş prakroru Qali Baharaf-Miyara, Neyanyahuya ünvanladığı bir məktubda ona xəbərdarlıq edib ki, ona qarşı irəli sürülən bir neçə korrupsiya hallarını nəzərə almaqla, onun məhkəmə islahatlarına müdaxiləsi qanun pozuntusu hesab olunur.
Rejim rəhbəri İshaq Hersoq və onun bir sıra komandirləri vətəndaş müharibəsi, qan tökülməsi barədə xəbərdarlıq ediblər.
Ötən cümə axşamı da sionist rejiminin parlamentində, baş nazirin işdən azad edilməsi və onun vəzifələri yerinə yetirməkdə acizliyini bildirməsi səlahiyyətini Nazirlər Kabinetinin məhkəmə müşavirinə vermədiyinə dair qanun qəbul edilib.
Əlaqədar xəbərlər
