İşğalçı sionist rejimin ordusu Qəzzə zolağının şimalına və Qəzzənin mərkəzində yerləşən ən-Nəsirat düşərgəsinə qarşı hücumlarını artırıb.
Deyr əl-Bələhdəki jurnalistlərdən biri (şənbə günü) deyib: 24 saat əvvəl başlayan bu geniş miqyaslı hücum sionist rejimin zirehli maşınlarının Qəzzənin mərkəzində yerləşən ən-Nəsirat düşərgəsinə, xüsusən də “əl-Muxəyyəm əl-Cədid” məntəqəsinə qarşı olub.
Verilən məlumata əsasən, işğalçı sionist ordusu qəflətən “əl-Muxəyyəm əl-Cədid” məntəqəsindəki bir neçə evi hədəfə alıb ki, bu da dağıntıların sakinlərin başlarına tökülməsinə səbəb olub. Bu hadisə mülki müdafiə və tibbi qrupların şəhidlərin cəsədlərini çıxarmaq üçün göstərdikləri fəaliyyətlərinə mane olub.
Həmçinin bildirilib: Sionist rejimin qırıcıları yenidən Qəzzənin mərkəzindəki bölgələri bombalayıb. Bu isə bir sıra Fələstin vətəndaşının şəhid olması ilə nəticələnib.
Jurnalist hesabatında deyib: Tibbi qruplar “əl-Muxəyyəm əl-Cədid”dəki çağırışlara cavab verə bilmədiyindən ən-Nəsirat düşərgəsindəki şəhidlərin sayı 40 nəfərə yüksəlib.
Bu hesabata əsasən, sionist rejimin Nəsirat düşərgəsinin qərb və şərq bölgələrinə qarşı artilleriya hücumları da artıb və işğalçı qüvvələrin, onların hərbi texnikalarının gündəlik irəliləyişləri ilə bu məntəqə çox təhlükəli yerə çevrilib.