Sionist rejimi dünən səhər fələstinli qaçqınların çadırlarını bombalamaqla 5 nəfər mülki şəxsi şəhid edib və 20 nəfəri isə yaralayıb.
Məhəmməd Belbisi adlı jurnalist fələstinli qaçqınların çadırlarının bombalandığı yerdən hazıladığı reportajda deyib: İşğalçı sionist rejiminin ordusu Qəzzədə yerləşən əl-Əqsa Şəhidləri Xəstəxanasının ərazisindəki qaçqın çadırlarını üçüncü dəfə hədəfə alaraq onları yandırıb.
Jurnalist dünən (bazar günü) günün ilk saatlarında sionist rejiminin qırıcıları tərəfindən həyata keçirilən hücumda fələstinli qaçqınların çadırlarının bombalanmasının nəticələrini təsvir edərək bildirib: Bu hücumda xəstəxananın təhlükəsizlik personalının çadırı hədəfə alınıb və tamamilə yanıb. Fələstinli qaçqınların çadırlarının bəzisi də bu ağır hücumda yanıb və nəticədə, 5 nəfər mülki şəxs şəhid olub, 20-dən çox insan isə yaralanıb.
Dünən səhər sionist rejiminin Qəzzə zolağına qarşı davamlı təcavüzkar hücumları 303-cü gününə qədəm qoyduğu bir vaxtda işğalçı ordu yeni qətliam törədib və Qəzzə zolağının mərkəzində yerləşən əl-Əqsa Şəhidləri Xəstəxanasındakı qaçqın çadırlarını hədəfə alıb.