Fələstin Səhiyyə Nazirliyi dünən verdiyi açıqlamada Qəzzə zolağında son 24 saatda daha 7 fələstinlinin ölümü ilə aclıqdan ölənlərin sayının 154-ə çatdığını bildirib.
Xarici KİV-in verdiyi məlumata əsasən, Qəzzədəki Fələstin Səhiyyə Nazirliyi dünən açıqlama verərək bildirib ki, İsrail rejiminin “aclıq” siyasətini həyata keçirməsi və qida çatışmazlığı səbəbindən son 24 saat ərzində daha 7 fələstinli həyatını itirib. Böhran təcili həll edilmədiyi təqdirdə qurbanların sayının artacağına dair artan xəbərdarlıqlarla edilib.
Nazirliyin açıqlamasına görə, aclıq qurbanlarının ümumi sayı 154 nəfərə çatıb ki, onlardan 89-u uşaqdır.
Qurum, həmçinin vurğulayıb ki, təcili yardım şöbələrini ziyarət edən insanların sayını və həmişə xəbərdar etdiyimiz ölüm nisbətini nəzərə alsaq, aclığın reallığını inkar etmək üçün bütün ümidsiz səylər səmərəsizdir.
Bununla əlaqədar Qəzzədəki əş-Şifa xəstəxanasının direktoru xəbərdarlıq edib ki, Qəzzə zolağında 20 min uşaq qida çatışmazlığının qabaqcıl mərhələsinə daxil olduqları üçün ciddi risk altındadır.
Məlumata görə, son günlər qida çatışmazlığından ölüm halları artıb, bəzi uşaqların bədəni o qədər zəifləyib ki, onlar arıq skeletə çevrilib.
Həmçinin aclığın və qida çatışmazlığının artması ilə Qəzzə sakinləri arasında huşunu itirmə hallarının da çoxaldığı bildirilib.
Beynəlxalq aclıq üzrə nəzarət təşkilatı olan “Qlobal Qida Təhlükəsizliyi Vəziyyətinin İnteqrasiya Olunmuş Qiymətləndirilməsi Sistemi” (Integrated Food Security Phase Classification – IPC) çərşənbə axşamı Qəzza zolağının əksər hissələrində qida çatışmazlığının qıtlıq səviyyəsinə çatdığını açıqlayıb.
Təşkilat vurğulayıb ki, əldə olunan sübutlar aclığın, qidalanma çatışmazlığının və xəstəliklərin yayılmasının bu böhranlar səbəbindən ölüm faizinin artmasına səbəb olduğunu göstərir.
