Fələstin mənbələri İsrail ordusunun İordan çayının qərb sahilindəki Cenin düşərgəsindəki əməliyyatlarının ardıcıl 114-cü gündür davam etdiyini və 600 evi dağıddığını bildirib.
Fələstin xəbər agentliyinin çərşənbə gecəsi verdiyi məlumata görə, sionist rejimin ordusu ardıcıl 114-cü gündür ki, İordan çayının qərb sahilində yerləşən Cenin düşərgəsində hərbi əməliyyatlarını davam etdirir.
Cenin Bələdiyyəsinin məlumatına əsasən, bu əməliyyatlar zamanı düşərgə daxilində indiyədək təxminən 600 ev tamamilə dağıdılıb və digər evlərə də qismən ziyan dəyib. Eyni zamanda, sionist hərbçilərin düşərgə ətrafında genişmiqyaslı atəş açması davam edir ki, bu da düşərgə sakinlərinin əzab və iztirablarını daha da artırır.
Hesabatda deyilir ki, bu hücumların təsirləri yalnız Cenin düşərgəsi ilə məhdudlaşmır, eyni zamanda Cenin şəhərinin məhəllələrini də əhatə edib və evlərə, qurğulara və infrastruktur obyektlərinə çoxlu ziyan dəyib.
Sionist rejimin Cenin düşərgəsində, şəhərində və onun ətrafında apardığı hərbi əməliyyatlar nəticəsində 22 min nəfər öz evindən didərgin düşüb. Bundan əlavə, iqtisadi sahədə də bu şəhərə 300 milyon dollardan çox ticarət zərəri dəyib, xüsusilə də ticarət mərkəzləri, xüsusən qərb məhəllələri fəaliyyətini dayandırmağa məcbur olub.
Hesabata əsasən, sionist rejimin 21 Yanvar tarixində Cenin şəhəri və düşərgəsinə başlayan hücumlarından bəri 40 fələstinli şəhid olub, onlarla nəfər yaralanıb və onlarla nəfər də həbs edilib.
Xarici KİV-in verdiyi məlumata görə, 2023-cü il Oktyabrın 7-də sionist rejimin Qəzzəyə başlayan təcavüzündən sonra bu rejimin ordusu qərb sahilində apardığı əməliyyatları genişləndirib.
Sionist hərbçilər hər gün qərb sahilində yaşayan fələstinlilərin evlərinə və təsərrüfatlarına hücum edirlər və bu bölgədə fələstinlilər ilə işğalçı rejimin ordusu arasında gərginlik və toqquşmalar davam edir. Bu bölgə fələstinlilərlə sionist hərbiçiləri arasında gərginlik dalğası və səhra toqquşmalarına, həmçinin məhəllələrə basqınlara və sionistlər tərəfindən fələstinlilərin həbsinə şahid olur.
