Xarici KİV-in verdiyi məlumata görə, Əl-Qüds batalyonlarının və Cenin batalyonunun ən görkəmli komandirlərindən olan Əbul Əymən ləqəbi ilə tanınan 26 yaşlı Muhəmməd Əymən əs-Sədi və Müqavimətin böyük komandiri 27 yaşlı Nəim Camal Zubeydi, bugün səhər saatlarında sionist rejiminin qorxaqcasına terror əməliyyatı nəticəsində Cenin düşərgəsində şəhid olublar.
Cenin batalyonu bu iki böyük komandirin şəhadətini təbrik edərək bildirib ki, onların intiqamını alacaq.
Fələstinli mənbələr bildiriblər ki, bugün səhər çoxlu sionist əsgərləri Cenin düşərgəsinə hücum və 4 nəfər gənc fələstinlini həbs ediblər. Bunun ardınca fələstinlilərlə işğalçılar arasında baş verən toqquşmada Muhəmməd Əymən əs-Sədi və Nəim Camal Zubeydi şəhadətə çatıblar.
Bu hadisənin baş verməsinin ardınca İslami Cihadın sözçüsü Tariq İzzəddin deyib: Bugün sübh çağı işğalçı sionist rejiminin camaata və Müqavimət döyüşçülərinə qarşı törətdiyi qətliam, cavabsız qalmayacaq. Bu cinayətkar işğalçılar törədikləri ağır cinayətin əvəzini ödəyəcəklər.