Sionist rejimi İordan çayının qərb sahillərindəki cinayətlərinin davamı olaraq son 16 gün ərzində fələstinlilərə aid onlarla yaşayış mənzilini partladıb və yandırıb.
Xarici KİV-in verdiyi məlumata görə, sionist rejimi İordan çayının qərb sahillərindəki cinayətlərini davam etdirərək, dünən də Cenin düşərgəsində yeni mənzilləri yandırıb.
Sionist rejimi bir neçə gün əvvəl də bu düşərgədə 20 yaşayış mənzilini partladaraq dağıdıb.
Cenin düşərgəsinin informasiya komitəsinin açıqlamasına əsasən, ötən 16 gün ərzində azı 25 fələstinli şəhid olub və bu düşərgədə yaşayan 3200 ailədən 15 min insan qaçqın düşüb.
Verilən məlumata əsasən, düşərgə sakinləri 180 mənzilin dağıdılması və suyun, qazın kəsilməsi ilə acınacaqlı şəraitdə yaşayırlar. İsrail rejiminin bu düşərgəyə olan təcavüzü məktəblərin fəaliyyətinin dayanması və 4 xəstəxananın su və əsas xidmətlərdən məhrum olması ilə nəticələnib.
İşğalçı hərbiçilər Yanvarın 19-da Qəzzə müharibəsi dayandıqdan sonra İordan çayının qərb sahillərinə gedib, müxtəlif bölgələrinin mühasirəsini şiddətləndirməklə camaatdan intiqam alırlar.
İşğalçı sionistlər Yanvarın 21-dən etibarən İordan çayının qərb sahillərində yerləşən Cenin şəhərində müqavimət qüvvələrinə qarşı “Dəmir divar” adlı hərbi əməliyyata başladıqları haqda məlumat veriblər. Bu, ötən iki ildən daha az bir vaxt ərzində İsrail rejimi ordusunun Ceninə qarşı üçüncü ən böyük hücumudur.
Əlaqədar xəbərlər
