Birləşmiş Millətlər Təşkilatının İnsan Haqları üzrə Ali Komissarlığının İdarəsi çərşənbə axşamı bildirib ki, İsrailin iranlı nüvə alimlərinin ailə üzvlərini öldürməsi beynəlxalq hüququn kobud şəkildə pozulmasıdır.
Xarici KİV-in verdiyi məlumata əsasən, İranın nüvə alimləri və onların ailə üzvlərinin sionist rejim tərəfindən cinayətkar şəkildə öldürülməsi BMT-nin reaksiyası ilə qarşılanıb.
Birləşmiş Millətlər Təşkilatının İnsan Haqları üzrə Ali Komissarlığı İdarəsinin rəsmi nümayəndəsi “Tamin əl-Keytan” çərşənbə axşamı bildirib ki, İsrail tərəfindən mülki iranlıların öldürülməsi beynəlxalq hüququn kobud şəkildə pozulmasıdır.
Əl-Keytan verdiyi müsahibədə deyib: “Mülki şəxslər silahlı qüvvələrin üzvü olmayan şəxslərdir və onlara qarşı hücumlar beynəlxalq humanitar hüququn kobud şəkildə pozulması hesab olunur.”
O, bununla bağlı əlavə olaraq bildirib: “Biz bilirik ki, (İranın nüvə) alimlərinin bir neçə ailə üzvü də bu hücumlarda həyatını itirib. Alimlərin ailə üzvləri digər bütün mülki şəxslər kimi eyni qorunmaya malikdirlər.”
İran İslam Respublikası Məhkəməsinin sözçüsü bundan əvvəl sionist rejimin tətbiq etdiyi 12 günlük müharibə zamanı 38 qadın və 102 kişi olmaqla, 935 nəfərin şəhid olduğunu bildirmişdi.