Sionist rejiminin Qəzzə əleyhinə müharibəsindən 6 ay keçdiyi bir vaxtda BMT 2023-cü il Oktyabrın 7-də müharibə başlayandan bəri Qəzzədə 10 mindən çox qadının öldürüldüyünü açıqlayıb.
BMT: Müharibədən 6 ay ötdüyü bir vaxtda Qəzzədə 10 min fələstinli qadın öldürülüb ki, onların da arasında təxminən 6 min ana var və 19 min uşaq da yetim qalıb.
Bu hesabatda deyilir ki, Qəzzə zolağında 1 milyondan çox fələstinli qadın və qız “fəlakətli aclıq”la üz-üzədir. Qida, sağlam içməli su, işlək ayaq yolları və axar suyun olmaması həyat üçün təhdid edici təhlükələr yaradır.
Bu bəyanatda əlavə olaraq bildirilib: Qəzzədə hər 10 dəqiqə ərzində bir uşaq yaralanır yaxud da həyatını itirir.
BMT-nin Qadınlar Təşkilatının Ərəb ölkələrindəki regional direktoru Suzanne Mixail Cenevrədə keçirilən mətbuat konfransında deyib: “Bombardmanlardan canlarını qurtaran qadınlar gündəlik olaraq aclıq, xəstəlik və daimi qorxudan əziyyət çəkirlər. Şübhəsiz, Qəzzədəki müharibə qadınlara qarşı olan müharibədir. Onlar özləri törətmədiyi müharibə üçün ağır bədəl ödəyirlər.”
BMT-nin İnsan Hüquqları İdarəsi də İsrail ordusundan yəhudi köçkünlərinin İordaniyanın qərb sahillərindəki fələstinlilərə qarşı aktiv iştiraklarına və hücumlarının dəstəklənməsinə son qoymasını tələb edib.
BMT-nin İnsan Hüquqları İdarəsinin (OCHA) bəyanatı sionist köçkünlərinin İordaniyanın qərb sahillərindəki Fələstin kənd və qəsəbələrinə qarşı hücum dalğasının ardınca dərc olunub.
Fələstin Səhiyyə Nazirliyi hücumlar başlayan vaxtdan 7 fələstinlinin İsrail qüvvələri yaxud köçkünlər tərəfindən şəhid edildiyini və 75 nəfərin yaralandığını açıqlayıb.
Gərginlik artdıqca, İsrail rəsmiləri insanlardan özbaşına hücum etməmələrini istəyib. Amma insan hüquqları qrumları uzun müddətdir ki, İsrail qüvvələrini köçkünlərin hücumlarını görməməzlikdən gəlməkdə ya hətta onlarla birgə iştirak etməkdə ittiham edirlər.