Bəhreyn mediası bu ölkə xalqının Tel-Əvivlə münasibətlərin normallaşdırılmasını pisləyərək küçələrə axışdığını və sionist rejimin bayrağını tapdaladığını bildirib.
Bəhreyn mediası bu gün (cümə) bildirib ki, Bəhreyn xalqı Bəhreyndə Fevral İnqilabı şəhidlərinin ildönümünü yad etmək və İsrail rəsmilərinin Bəhreynə səfərini pisləmək məqsədilə küçələrə çıxıb.
Bəhreynin Əl-Vifaq partiyası Bəhreyn xalqının sionist rejimin bayrağını tapdaladığını və “Naftali Allahın düşmənidir!” və ” İsrail əlaltılarına lənət olsun!” kimi şüarlar səsləndirdiyini bildirib.
Nümayiş Baş nazir Naftali Bennet və İsrailin müdafiə naziri Beni Qantz da daxil olmaqla yüksək vəzifəli İsrail rəsmilərinin bu yaxınlarda Manamaya gəlişindən sonra keçirilib.
İsrailin müdafiə naziri bəhreynli həmkarı Abdullah bin Həsən Ən-Nəimi ilə görüşündə Manama ilə təhlükəsizlik müqaviləsi imzalamışdı.
11 sentyabr 2020-ci ildə iki tərəf arasında münasibətlərin normallaşmasından sonra ilk dəfə imzalanan sazişə əsasən, Bəhreyn və Tel-Əviv arasında strateji təhlükəsizlik əməkdaşlığı artırılacaq. Lakin müqavilənin təfərrüatları və şərtləri açıqlanmayıb.
Qantz açıqlamasında belə iddia edib: “Bu müqavilə kəşfiyyat, təlim və müdafiə sənayesi sahəsində əməkdaşlığın artırılmasına kömək edəcək. Həmçinin, hər iki tərəf və üçün güclü əməkdaşlığa və bütövlükdə regionda təhlükəsizliyin artırılmasına gətirib çıxaracaq.”
O, sazişin iki tərəfin “ortaq təhdidlər”lə mübarizə sahəsində əməkdaşlığını artıracağını da iddia edib.
İsrailin müdafiə naziri Manamada Bəhreyn kralı Həməd bin İsa Ali-Xəlifə və vəliəhd Salman bin Həməd ilə görüşərkən iki tərəf arasında razılaşma imzalanıb.
Qantz görüşdən bir gün əvvəl ABŞ Hərbi Dəniz Qüvvələrinin Bəhreyndəki Beşinci Donanmasına da baş çəkib və donanma komandiri Bred Kuperlə görüşüb.
İki tərəf arasında hərbi müqavilənin imzalanmasından sonra, sionist rejimin Belçikada yerləşən BATS şirkəti Bəhreynə radarlar və PUA əleyhinə sistemlərin satışı ilə bağlı sövdələşmə imzaladığını elan edib.
İsrail şirkəti BATS-ə məxsus GR12 radar texnologiyasının Bəhreyn probleminin həllinin əsasını təşkil edəcəyini açıqlayıb.
İsrail Müdafiə veb-saytı da sövdələşmənin ötən ilin ikinci yarısında baş tutduğunu və sistemlərin bu il Bəhreynə çatdırılmasının gözlənildiyini bildirib.
10 sentyabr 2020-ci ildə Bəhreyn və BƏƏ ABŞ-ın o vaxtkı Prezidenti Donald Trampın vasitəçiliyi və təzyiqi ilə Ağ Evdə rəsmi olaraq Tel-Əvivlə münasibətləri normallaşdırma sazişi imzalayıb və rejimlə münasibətlərini ictimaiyyətə açıqlayıb.
Əlaqədar xəbərlər
