Brüssel, Barselona, Roma, Afina, Berlin və İstanbulda insanlar İsrail rejiminin Qəzzəyə yardım donanmasına hücumuna qarşı nümayiş keçirib.
Xarici KİV-in verdiyi məlumata görə, cümə axşamı səhər saatlarında çoxlu sayda avropalı İsrail rejiminin Qəzzəyə yardım çatdırmaq istəyən “Səmud” gəmisinə hücumuna etiraz olaraq nümayiş keçirib.
Məlumata əsasən, bu nümayişlər Barselona, Roma, Afina, Brüssel, Berlin şəhərlərində və həmçinin İstanbulda “Səmud” donanmasının ələ keçirilməsini pisləmək üçün keçirilib.
Romada tələbələr və xalq birliklərinin üzvləri də daxil olmaqla, yüzlərlə etirazçı Termini stansiyasının qarşısındakı Piazza del Panteonda toplaşıb. İştirakçılar “Səmud donanması və Fələstin üçün hər şeyi bağlayaq” kimi şüarlar səsləndirərək, meydanda və ətraf küçələrdə avtomobillərin keçidinə mane olublar.
Məlumata görə, İtaliyanın həmkarlar ittifaqı, Baza Sindikat İttifaqı (USB) və İtaliya Ümumi Əmək Konfederasiyası (CGIL) Oktyabrın 3-də ümummilli tətilə çağırıb.
Barselonada bir neçə yüz adam işğalçıların hərəkətini pisləmək və Qəzzəyə həmrəy olduqlarını bildirmək üçün İsrail rejiminin konsulluğu qarşısına toplaşıb.
Oxşar nümayişlərin Berlində də keçirildiyi, onlarla insanın İsrailin Səmud donanmasına hücumuna etiraz olaraq mərkəzi vağzalda toplaşdığı, Brüsseldə isə etirazçıların Birja Meydanından Belçika Xarici İşlər Nazirliyinə doğru yürüş etdiyi bildirilib.