Mediyalar şənbə günü xəbər veriblər ki, işğal olunmuş Fələstin ardıcıl olaraq 15-ci həftədə sionist rejiminin baş naziri Benyamin Netanyahu və onun kabinetinə qarşı sionistlərin nümayişlərinə şahid olub.
Xarici KİV-in verdiyi məlumata görə, Tel-Əvivin “Kabalan” prospektində minlərlə insan sionist rejiminin baş naziri Benyamin Netanyahu və onun kabinetinin addımlarına qarşı nümayişlər keçiriblər.
“Hayfa” şəhərində də etirazçılar sionist rejimin Ədliyyə naziri “Yario Levin”-in mənzili qarşısında etiraz toplantısı keçiriblər.
Rejimin polisi bildirib ki, işğal olunmuş Fələstinin müxtləlif şəhərlərində keçirilən nümayişlərlə eyni vaxtda küçələrdə nəqliyyatın hərəkətinə məhdudiyyətlər qoyub.
Ötən həftələrdə işğal olunmuş Fələstinin cənubundan şimalına qədər onlarla şəhər, o cümlədən Tel-Əviv, Hayfa, işğal olunmuş Qüds, Birus-səb, Rişon Letsion, Herzliya Netanyahunun ifratçı sağçı kabinetinə və rejimin məhkəmə sistemində islahatlarına qarşı nümayişlər üçün səhnəyə çevrilmişdilər.
Sionist rejiminin müxalifət liderləri Netanyahu kabinetinin Məhkəmə İslahatlarını Məhkəmə sisteminin zəifləməsi, Netanyahunun korrupsiya və rüşvətlə bağlı öz mühakiməsinin qarşısını almaq üçün atılan bir addım olduğunu bildiriblər. Onlar inanırlar ki, Nazirlər kabinetinin bu addımları sionist rejimini qarşıdurmaya, daxili müharibəyə və tədrici süquta aparacaq.
Xarici KİV-lərdən birinin hesabatına görə, etirazçılar deyirlər ki, məhkəmə dəyişiklikləri layihəsi demokratiyaya ağır zərbə olacaq. Çünki, Ali Məhkəmənin (sionist rejiminin ən yuxarı məhkəmə qrumu) əsas qanunları qəbul etməsinə dair təsirini məhdudlaşdıracaq və Knessetin üzvlərinə onun təsdiqlədiklərini təxirə salmağa icazə verəcək.
Bu layihənin qəbulu yenicə Netanyahu tərəfindən təxirə salınıb, amma etirazçılar bu layihənin tamamilə ləğv olunmasını tələb edirlər.
Əlaqədar xəbərlər
