İşğalçı sionist rejiminə aid qırıcılar Oktyabrın 31-i Cəbaliya düşərgəsinə hücum ediblər. Bunun nəticəsində də 400 nəfər fələstinli şəhid olub və yaralanıb. Amerikalı bir hərbi rəsmi bu hücumda hər biri 900 kq olan 2 ədəd bomba istifadə edildiyini bildirib.
Qəzzə Səhiyyə Nazirliyi bu hücumun ardınca bildirib ki, sionist rejimi ordusu Cəbaliyada yerləşən İndoneziya xəstəxanasının yaxınlığındakı bir yaşayış məhəlləsini bombaladıqdan sonra “dəhşətli qətliam” törədib.
İşğalçı ordu Cəbaliya düşərgəsinə qarşı həyata keçirdikləri hücumda İslami Müqavimət Hərəkatının (HƏMAS-ın) “yüksək rütbəli bir rəhbəri”-nin hədəfə alındığını iddia edib.
HƏMAS bu iddanı rədd edərək bildirib: Terrorçu sionist rejiminin HƏMAS rəhbərlərindən birinin Cəbaliyada olması barədəki sözləri yalan və əsassızdır.
Qəzzə Səhiyyə Nazirliyi ilkin statistikaya əsasən Cabaliya düşərgəsinin bombalanmasının 400 fələstinlinin şəhid olması və yaralanması ilə nəticələndiyini bildirərək bu sayın Əl-Məmədani xəstəxanasındakı qətliamda qurban olanların statistikasına yaxınlaşacağının mümkünlüyünü vurğulayıb. Çünki, bombalanmış bölgə “sıx məskunlaşmış” ərazi idi.
Tanınmış ABŞ qəzetlərindən biri, amerikalı bir hərbi rəsmisinə istinadən yazıb ki, Oktyabrın 31-i Qüdsü işğal edən işğalçı rejimin Cəbaliya düşərgəsinə qarşı hava hücumunda hər biri 900 kq ağırlığında olan 2 ədəd bombadan istifadə olunub.
Bu amerikalı rəsmi sionist rejiminin Qəzzəni bombalamaq üçün istifadə etdiyi bombaların 90%-nin peyklər vasitəsi ilə idarə olunduğunu və onların bəzilərinin çəkisinin 1 ton olduğunu bildirib.