Fələstinli fotoqraf Fatimə Həsuna, sənədli filmi Kann Film Festivalına qəbul edildikdən cəmi 24 saat sonra ailəsinin doqquz üzvü ilə birlikdə İsrail rejimi tərəfindən şəhid edilib, lakin onun adı bütün dünyada, xüsusən də kiberməkanda məşhurlaşıb.
“Əgər ölsəm, gurultulu bir ölüm istəyirəm. Sadəcə bir təcili xəbər olmaq istəmirəm…” – bu sözləri Fatimə həyatda olduğu zaman demişdi.
O bildirmişdi ki, elə bir ölümlə dünyadan getmək istəyir ki, “dünya onun səsini eşitsin.”
İndi isə, bu fələstinli fotoqrafın – hansı ki, kamerasının obyektivləri sionist rejimin cinayətlərinin həqiqətlərini sənədləşdirirdi – şəhid olmasından cəmi bir neçə gün sonra dünyanın müxtəlif ölkələrindən olan insanlar onun şəhadətinə reaksiya verib və söylədiyi cümlələri müxtəlif dillərdə paylaşırlar.
Onun sənədli filmi Kann yolunu tutdu, özü isə cənnətə…
Bu fotoqrafın həyatı haqqında “Canını ovucuna al və yoluna davam et” adlı sənədli film çəkilib. Bu film yaxın zamanda Kann festivalında qiymətləndirilmək üçün qəbul olunub. Lakin bu xəbər yayılandan cəmi bir gün belə keçməmişdi ki, İsrail rejimi bu qadın fotoqrafı şəhid edib.
Qərbli sosial şəbəkə istifadəçiləri Həsuna şəhadətinə və bu iki hadisənin bir-birinə yaxın zamanlarda baş verməsinə diqqət çəkiblər və vurğulayıblar ki, bu fotoqraf İsrailin əməllərinin, o cümlədən “soyqırım”ın reallığını sənədləşdirirdi.
İstifadəçilər bu şəhid xanımın evlənmək ərəfəsində olduğuna və baş verən hücumlar nəticəsində ailəsinin 9 üzvünü də itirdiyinə toxunublar.
Feministlər haradadırlar?!
Bəzi istifadəçilər qadınları müdafiə etdiyini iddia edənlərin Fatimə Həsunanın şəhadətinə laqeyd qalmasına reaksiya göstərərək bu sualı veriblər: “Feministlər niyə bu hadisə qarşısında susurlar?!”
Bir istifadəçi vurğulayıb ki, öldürmək, uğurlu fələstinli qadınlarla mübarizə aparmaq üçün İsrailin siyasətidi
Şəkillərin özündən daha uzun ömür sürərsə
“Bəlkə də şəkillərim mənim öz ömrümdən daha uzun yaşayar və bu düşüncə mənə rahatlıq verir.”
Bu cümlə qərbli bir sosial istifadəçi tərəfindən paylaşılmış Fatimə Həsunaya aid bir ifadədir.
O, fotoqraf idi, HƏMAS döyüşçüsü deyil!
İstifadəçilər qeyri-ingilis dillərində də Fatimə Həsunanın şəhadətinə toxunublar. Bir istifadəçi, jurnalist Alexandra Schwartzbrod-un yayımladığı bir müsahibəni paylaşmışdır. Müsahibədə vurğulanır ki, əgər Həsuna tanınmış olmasaydı və sənədli filmi çəkilməsəydi, İsrail yalan olaraq bir HƏMAS döyüşçüsünü öldürdüyünü iddia edərdi.
Həsunanın şəhadəti onun istədiyi kimi yalnız bir təcili xəbər və bir cümlə ilə qalmadı; əksinə, sionist rejiminin daha aydın və daha yaxşı bir şəkildə üzə çıxmasına kömək etdi və əbədi olaraq yadda qaldı.