Sionist rejim humanitar yardımların təhlükəsiz və damcı-damcı paylanması vasitəsilə Qəzzədə aclıq və xaos yaratmağa çalışır.
Xarici KİV-in verdiyi məlumata görə, Qəzzə hökumətinin media ofisi dünən axşam açıqlayıb ki, Qəzzənin təhlükəsiz olmayan yollarında humanitar yardım daşıyan bir yük maşınının aşması və insanların yardımları toplamaq üçün axın etməsi nəticəsində ən azı 20 nəfər həyatını itirib, onlarla insan isə yaralanıb; hadisə, rəsmilərin dediyinə görə, İsrail ordusunun əvvəllər bombardman edilmiş və keçid üçün əlverişli olmayan marşrutlardan keçməyə məcbur etməsindən qaynaqlanıb.
Qəzzə hökumətinin media ofisindən verilən bəyanatda bildirilib: İşğalçı ordu humanitar yardım daşıyan yük maşınlarını qəsdən bombardman edilmiş marşrutlardan keçməyə məcbur edir; bu, mülki insanların həyatını təhlükəyə atan xaos və aclıq yaratmaq siyasətinin bir hissəsidir.
2023-cü ilin Oktyabrında başlayan müharibədən bəri, Qəzzəyə humanitar yardımların göndərilməsi İsrail tərəfindən ciddi maneələrlə qarşılaşıb. Beynəlxalq təşkilatlar dəfələrlə elan ediblər ki, qida, su, dərman və yanacaq çatışmazlığı nəhəng bir humanitar böhran yaradıb və dünyanın ən böyük açıq hava həbsxanasında tam miqyaslı aclığa səbəb olub. Yük maşınlarının aşması və yardımlar uğrunda münaqişələr, eləcə də humanitar yardımları almaq üçün toplaşan insanlara qarşı sionist əsgərlərin atəş açması ciddi itkilərə yol açıb. İndiyədək insanitar yardımları almağa çalışarkən 1400-dən çox insan həyatını itirib.
Bəyanatın sonunda deyilir: Biz işğalçı qüvvələr tərəfindən tətbiq olunan və beynəlxalq humanitar qanunlara görə tammiqyaslı soyqırımı cinayətinə bərabər olan bu qəsdən törədilən cinayət siyasətini ən sərt ifadələrlə qınayırıq.
