ABŞ-ın tanınmış qəzetlərindən biri, sionist rejiminin xüsusi təyinatlılarının Fələstin vətəndaşlarına birbaşa atəş açmaları və onları, xüsusən də uşaqları qətlə yetirmələri barəsində hesabat dərc edib.
Bu hesabatda deyilir ki, İsrail hərbiçilərinin İordan çayının qərb sahillərinin yaşayış bölgələrinə əksəriyyəti axşam baş verən və bir sıra vətəndaşların həbs olunması ilə nəticələnən hücumları, gündəlik və adi hadisəyə çevrilib. Amma bu il sionist rejiminin sağçı və radikal kabineti sayəsində İordan çayının qərb sahillərindəki Cenin kimi sıx cəmiyyətə sahib bölgələrə gündəlik hücumlar iki qat artıb.
Bu qəzet sionistlərin 16 Martda Cenin şəhərinə 4 fələstinlinin şəhadəti ilə nəticələnən qəddar hücumu barədə olan 15 videonu müzakirə edib. Bu videolar sionist hərbiçilərinin hücum etdikləri yerlərin ətrafındakı mağazaların təhlükəsizlik kameralarından əldə edilib. Bu qəzet həmçinin, bir sıra şahidin açıqlamalarını da toplayıb və bir sıra ekspertlərə istinadən bildirib ki, sionist hərbiçilərinin 16 Martda Cenin şəhərinə hücumu, qanundan kənar qətl barəsində beynəlxalq qadağanın aşkar şəkildə pozulmasıdır. Xüsusən də, qətl zamanı qurbanlar sionist hərbiçiləri üçün heç bir təhdid sayılmayıblar.
BMT-nin xüsusi məruzəçisi, Filip Elston mövcud sənədləri araşdırdıqdan sonra məhkəmədən kənar edamlar barəsində deyib: “Tam əminliklə demək olar ki, bu edamlar tamamilə məhkəmədən kənar baş verib.”
BMT-nin xüsusi məruzəçisi, Maykl Link Fələstin torpaqlarındakı insan haqları barəsində deybi: Beynəlxalq hesablamalara əsasən, bu qətllər qanunsuzdur. Bunların qanunsuz olmalarını daha çox qabarıq göstərən budur ki, bu insanların öldürülməsi sıx cəmiyyətə malik şəhər mühitində baş verib.
Bu qəzetdə qeyd olunub ki, Discord platformasında yenicə dərc olunmuş ABŞ-a məxsus bəzi gizli sənədlər, ABŞ-ın, sionist rejiminin İordan çayının qərb sahillərindəki hücumlarından və mülki şəxslərə atəş açmasından qorxduğunu göstərir ki, bu da regiondakı vəziyyəti sabitləşdirmək üçün beynəlxalq səyləri təsirsiz edir.