Fələstin Səhiyyə Nazirliyi ABŞ və sionist rejim tərəfindən guya humanitar yardım paylama mərkəzlərində qurulan ölüm tələlərində şəhid olanların sayının 714 nəfərə çatdığını açıqlayıb.
Real-israil saytının məlumatına görə, Fələstin Səhiyyə Nazirliyi bildirib ki, son 24 saat ərzində sionist rejimin Qəzza zolağında davam edən hücum və cinayətləri nəticəsində daha 138 fələstinli şəhid olub, 452 nəfər yaralanıb.
Nazirlik əlavə edib ki, 2023-cü ilin oktyabrından bəri sionist rejimin Qəzzaya qarşı davam edən hücumlarında ümumilikdə 57 min 268 fələstinli şəhid olub, 135 min 625 nəfər yaralanıb.
Fələstin Səhiyyə Nazirliyi açıq şəkildə qeyd edib ki, aclıq içində olan fələstinlilər guya yardım mərkəzlərində qurulan ölüm tələlərində qətliam edilməyə davam edir. Nazirlik son 24 saatda sionist hərbçilərin humanitar yardım növbəsində dayanan insanlara açdığı atəş nəticəsində 62 fələstinlinin şəhid olduğunu, 300-dən çoxunun isə yaralandığını bildirib.
Nazirlik vurğulayıb ki, indiyədək yardım növbəsində dayanan fələstinlilərə qarşı işğalçıların hücumlarında 714 nəfər şəhid olub, 4 min 837 nəfər yaralanıb.
Əlaqədar xəbərlər
