Xəbər mənbələri sionist rejimin Livanın cənubundakı Əyn Bəal qəsəbəsinə pilotsuz təyyarə ilə hücumu barədə məlumat yayıb.
KİV-in məlumatına görə, dünən İsrail rejiminin Livanın cənubunda yerləşən Əyn Bəal qəsəbəsinə pilotsuz təyyarə ilə hücumu nəticəsində bir Livan vətəndaşı şəhid olub.
Bəzi KİV-lər İsrailin hücumunda Əyn Bəal və əl-Bazuriya qəsəbələri arasındakı yolda motosikletin hədəf alındığını yazıb.
Çərşənbə axşamı (9 sentyabr) sionist işğalçı rejim Livanın cənubuna hücumlarını davam etdirərək, Beyrutun cənubunda yerləşən əl-Xarrub bölgəsində bir avtomobili dron hücumu ilə hədəfə alıb.
Livan İnformasiya Agentliyinin məlumatına görə, hücum ölkənin paytaxtından təxminən 30 kilometr aralıda yerləşən .l-Ciya şəhəri yaxınlığında baş verib.
Hücum edən pilotsuz təyyarə əl-Xarrub bölgəsindəki əl-Ciya və Bərcə şəhərləri arasında yerləşən “Zarot” məhəlləsindəki məscidin yaxınlığından avtomobili yaxın məsafədən hədəfə alıb.
Bu təcavüz İsrail rejiminin Livanın şərqinə silsilə genişmiqyaslı hücumlarından cəmi bir gün sonra baş verib və ölkənin Səhiyyə Nazirliyinin məlumatına görə, beş Livan vətəndaşının şəhid olması ilə nəticələnib.