Qəzzə Səhiyyə Nazirliyi çərşənbə axşamı İsrail rejiminin Qəzzə zolağına təcavüzkar hücumları nəticəsində ölənlərin sayını açıqlayıb.
Xarici KİV-in verdiyi məlumata görə, Qəzzə Səhiyyə Nazirliyi son 24 saat ərzində Qəzzə zolağında 87 şəhid və 644 yaralının xəstəxanalara köçürüldüyünü açıqlayıb.
Nazirlikdən, həmçinin bildirilib ki, 2023-cü il Oktyabrın 7-dən etibarən sionist rejimin Qəzzə zolağına hücumları nəticəsində şəhid olanların sayı 61 020 nəfərə, yaralıların sayı isə 150 671 nəfərə çatıb.
Qəzzə Səhiyyə Nazirliyi qeyd edib ki, sionist rejimin müvəqqəti atəşkəsi ləğv etdiyi 2025-ci il Martın 18-dən indiyədək şəhidlərin sayı 9 519 nəfərə, yaralıların sayı isə 38 630 nəfərə yüksəlib.
Qəzzə Səhiyyə Nazirliyi mülki müdafiə və təcili yardım qruplarının çata bilmədiyi çox sayda şəhidin yollarda və dağıntılar altında olduğunu vurğulayıb.
Qəzzə Səhiyyə Nazirliyi son 24 saat ərzində yardım almaq üçün gedən sırada 52 nəfərin şəhid olduğunu, 352 nəfərin isə yaralandığını açıqlayıb.
İsrail rejiminin yardım gözləyənlərə hücumları nəticəsində indiyədək 1 568 nəfər ölüb, 11 230-dan çox insan yaralanıb.
Qəzzə zolağının xəstəxanasında son 48 saat ərzində aclıq, qıtlıq və qida çatışmazlığı səbəbindən 8 yeni ölüm qeydə alınıb və bununla da aclıq və qida çatışmazlığından ölənlərin ümumi sayı 94-ü uşaq olmaqla, 188-ə çatıb.