İsrail rejiminin fələstinli yardım işçilərinə qarşı ən son hava hücumlarından birində Qəzzə zolağında Fələstin Qızıl Aypara Cəmiyyətinin qərargahına hücum edilib.
Xarici KİV-in verdiyi məlumata əsasən, Fələstin mənbələri bu gün səhər (bazar günü) Qəzzə zolağının cənubundakı Xan Yunis şəhərində yerləşən qərargahın İsrail rejimininhava hücumu ilə hədəfə alındığını bildiriblər.
Təşkilat İsrailin hücumunu təsdiqləyən bəyanat yayaraq, bombanın endirilməsi nəticəsində bir əməkdaşının həyatını itirdiyini, 3 nəfərin isə ağır yaralandığını açıqlayıb.
Açıqlamada yanğının əvvəlcə Qızıl Aypara Cəmiyyətinin qərargahının birinci mərtəbəsini əhatə etdiyi, daha sonra alovun yuxarı mərtəbələrə keçdiyi qeyd edilib.
Fələstinli yardım işçilərinə qarşı oxşar hücumlar əvvəllər də baş verib. 23 Mart 2025-ci ildə Rəfəhdə oxşar hücumda azı 8 Qızıl Aypara yardım işçisi öldürülüb və onların cəsədləri bir neçə gün sonra kütləvi məzarlıqda tapılıb.
İsrail ordusu əvvəlcə həmin şəxslərin “terrorçu” olduğunu iddia etdi, lakin sızan görüntülər onların işıqlandırılmış və işarələnmiş LED-ləri olan təcili yardım maşınlarında olduqlarını və birbaşa vurulduğunu göstərdi.
Son günlər Qəzzədə humanitar böhran pik həddə çatıb, beynəlxalq təşkilatlar 60 mindən çox fələstinlinin öldürüldüyü, onların çoxunun ərzaq yardımı almağa çalışdığı barədə xəbərdarlıq edib.