Qəzzənin yerli hökuməti çərşənbə günü axşam saatlarında bildirib ki, İsrail rejiminin hərbiçiləri əs-Sudaniyyə bölgəsində yardım almaq üçün gözləyən fələstinliləri güllələyiblər.
Xarici KİV-in verdiyi məlumata əsasən, Qəzzənin yerli hökuməti çərşənbə günü axşam bildirib ki, sionist hərbiçilər “əs-Sudaniyyə” bölgəsində yardım gözləyən fələstinliləri güllələyiblər.
Qəzzə Dövlət İnformasiya Ofisi verdiyi açıqlamada bildirib: “İşğalçılar Qəzzə zolağının şimalındakı əs-Sudaniyyə bölgəsində yardım gözləyənlərə qarşı qırğın törədiblər və bu, indiyədək 51 fələstinlinin şəhid olması və 648 nəfərin yaralanması ilə nəticələnib.”
Xəbər TV kanallarından biri bu bəyanata istinadən bildirib: “Çərşənbə günü 112 yardım maşını Qəzzə zolağına daxil olub, onların əksəriyyəti işğalçıların yaratdığı təhlükəsizlik xaosu nəticəsində qarət edilib və oğurlanıb.
Bəyanatda, həmçinin qeyd edilib: “Biz bu qəddar və qanlı siyasətlərin davam etdirilməsini qəti şəkildə pisləyir, işğalçıların və təcavüzü dəstəkləyən ölkələrin tam məsuliyyət daşıdıqlaını bildiririk.
Qəzzə yerli hökuməti əlavə olaraq bildirib: Qəzzə zolağının şimalındakı əs-Sudaniyyədə törədilən qətliam işğalçıların aclıqdan müharibə silahı kimi istifadə etdiyini bir daha təsdiqləyir.
Bəyanatda, həmçinin qeyd olunub: Biz keçidlərin dərhal yenidən açılması və yardımın BMT-nin tam nəzarəti altında təhlükəsiz daxil olmasına icazə vermək üçün qlobal fəaliyyətə çağırırıq.