Məşhur britaniyalı sənətçi və bəstəkar İsrail rejiminin sözçüsünün HƏMAS-ı Qəzzədə aclıq yaratmaqda ittiham etməsindən sonra İsrail rəhbərliyini “yalançı” adlandırıb və Tel-Əvivi Qəzzədəki fələstinlilərin misli görünməmiş aclığına görə məsuliyyət daşıdığını bildirib.
Xarici KİV-in verdiyi məlumata görə, İsrail sözçüsü David Manser Qəzzədəki aclığa görə İsrailin məsuliyyət daşımadığını iddia etdikdən sonra Bob Geldof İsrail rəsmilərini yalançı adlandırıb.
Manser “Sky News” studiyasında “HƏMAS öz xalqını aclıqdan öldürür” deyə iddia edib və Qəzzada geniş yayılan aclıqda İsrailin rolunu inkar edib.
Amma Goldaf bu şəbəkənin studiyasında proqram aparıcısının “İsrailin baxışı belədir ki, aclıq İsrail tərəfindən yaradılmayıb, insan çatışmazlığıdır və HƏMAS tərəfindən planlaşdırılıb” deməsinə cavab olaraq, sionistləri “yalançı” adlandıraraq bu baxışı yanlış sayıb və deyib: “Onlar yalan danışırlar. Netanyahunun yalan danışdığı, yalançı olduğu doğrudur. İsrail hərbi qüvvələri yalan danışırlar. Onlar ac, qorxmuş və yorğun anaların yemək almasına mane olurlar, bu humanitar yardımın yaratdığı gülünc şou vasitəsilə onları yığıb az miqdarda yemək almağa sövq edir, sonra isə amansızcasına güllələnirlər.”
Bu britaniyalı sənətçi sonra bildirib: “Mən düşünürəm ki, əgər İsraildə xəbərlər və sosial şəbəkələr bu qədər senzura edilməsəydi, İsrail xalqı onların adı ilə edilən işlərin qarşısını alardı.”
O, daha sonra sionistlərə müraciət edərək etiraz etmələrini, maşınlarına minib onları yeməklə dolduraraq sərhədi keçmələrini istəyib.
O, Böyük Britaniya hökumətinin Fələstin dövlətini tanımaqla bağlı reaksiyasını da kifayət qədər effektiv saymayaraq deyib: “Bu, diqqəti yayındırmaq məsələsidir. Bu iş çoxdan edilməli idi, amma heç bir fərq yaratmayacaq.”