Qəzzə Səhiyyə Nazirliyi dünən (bazar günü) İsrail rejiminin Qəzzə zolağına təcavüzkar hücumları nəticəsində ölənlərin sayını açıqlayıb.
Xarici KİV-in verdiyi məlumata görə, Qəzzə Səhiyyə Nazirliyi son 48 saat ərzində 88 şəhid və 374 yaralının Qəzzə zolağındakı xəstəxanalara köçürüldüyünü açıqlayıb.
Xəbər agentliklərindən birinə istinadən verilən məlumata əsasən, Nazirlik həmçinin qeyd edib ki, 2023-cü il Oktyabrın 7-dən etibarən İsrail rejiminin Qəzzə zolağına hücumları nəticəsində şəhid olanların sayı 59 min 821, yaralıların sayı isə 144 min 851 nəfərə çatıb.
Qəzzə Səhiyyə Nazirliyi İsrail rejiminin müvəqqəti atəşkəsi ləğv etdiyi 2025-ci il Martın 18-dən bu yana şəhid sayının 8 min 657, yaralı sayının isə 32 min 810 nəfərə yüksəldiyini açıqlayıb.
Qəzzə Səhiyyə Nazirliyi mülki müdafiə və təcili yardım qruplarının, köməyinə çata bilmədiyi çox sayda şəhidin yollarda və dağıntılar altında olduğunu vurğulayıb.
Qəzza Səhiyyə Nazirliyi, son 48 saat ərzində yardım almaq üçün xəttdə 11 nəfərin şəhid olduğunu, 36 nəfərin isə yaralandığını açıqlayıb.
İsrail rejiminin yardım gözləyənlərə hücumları nəticəsində indiyədək 1132 nəfər dünyasını dəyişib, 7521 nəfərdən çoxu isə yaralanıb.
Qəzzə zolağının xəstəxanasında son 48 saat ərzində aclıq, aclıq və qida çatışmazlığı səbəbindən 6 yeni ölüm qeydə alınıb və bununla da aclıq və qidalanmadan ölənlərin ümumi sayı 87-si uşaq olmaqla, 133-ə çatıb.