Son 21 ayda Qəzzə zolağında vəhşi cinayətlərini davam etdirən İsrail ordusu Rəfəhdəki Əbu Yusif ən-Nəccar xəstəxanasının müdirini qaçırıb.
Xarici KİV-inv erdiyi məlumata görə, bazar ertəsi İsrail ordusunun xüsusi təyinatlıları Rəfəhdəki Əbu Yusif ən-Nəccar xəstəxanasının direktoru doktor Mərvan əl-Həmsi qaçırıb və təcili yardım sürücüsünü yaralayıb.
Fələstin mənbələri İsrail ordusunun xüsusi təyinatlılarının bu əməliyyatı Qəzzə zolağının cənubundakı Qırmızı Xaç səhra xəstəxanası qarşısında həyata keçirdiyini açıqlayıb.
Qəzzə Dövlət İnformasiya İdarəsi bir bəyanatda sionistlərin hərəkətini tam hərbi cinayət hesab edib və işğalçıları həkim əl-Həmsin sağlamlığı və təhlükəsizliyi üçün tam məsuliyyət daşıdığını bildirib.
Fələstin qurumu əlavə olaraq qeyd edib ki, İsrail ordusunun xüsusi təyinatlı qüvvələri Əbu Yusif ən-Nəccar xəstəxanasının direktoru və səhra xəstəxanalarının müdiri doktor əl-Həmsi, normal humanitar və tibbi vəzifələrini yerinə yetirərkən və Qəzzənin cənubundakı səhra xəstəxanasına baxış keçirərkən bütün humanitar və beynəlxalq qanunları pozan bir hərəkətlə qaçırıblar.
Qəzzə Dövlət İnformasiya Ofisindən verilən açıqlamaya görə, İsrail cinayətkar qüvvələri birbaşa olaraq doktor əl-Həms və onun üç yoldaşını daşıyan təcili yardım maşınına atəş açıb, nəticədə onlardan biri şəhid olub, təcili yardım sürücüsü də daxil olmaqla, iki nəfər yaralanıb.
Fələstin qurumu beynəlxalq ictimaiyyəti və onun bütün qurumlarını, o cümlədən Beynəlxalq Qızıl Xaç Komitəsini bu cinayətlə bağlı mövqeyini izah etməyə və doktor əl-Həmsin azad edilməsi üçün təcili tədbirlər görməyə, bu dəhşətli pozuntulara son qoymağa və sionist rejim rəhbərlərini Qəzzə sektorunun tibb işçilərinə qarşı məqsədyönlü cinayətlərinə görə, məsuliyyətə cəlb olunmaları üçün tədbirlər görməyə çağırıb.