Qərbin məhdudiyyətsiz dəstəyi və ərəbdilli münafiqlərin susqunluğu və əlbirliyi fonunda, sionist işğalçıların Qəzza zolağındakı müdafiəsiz əhaliyə qarşı soyqırımı xarakterli müharibəsi və dəhşətli cinayətləri davam edir.
Qafqa Times-ın məlumatına görə, sionist işğalçıların Qəzza zolağındakı hücum və cinayətləri hələ də sürməkdədir.
Bazar ertəsi səhər saatlarında sionistlər bir daha Qəzza zolağında müdafiəsiz qaçqınların çadırlarını bombalayıblar.
Sionist rejim, Qəzza zolağının cənubunda yerləşən Xan Yunisdəki Mavasi bölgəsində qaçqınların çadırlarını bombalayıb. Bu hücum nəticəsində ən azı iki fələstinli şəhid olub, daha 12 nəfər yaralanıb.
Cənub Qəzzada yerləşən Deyrəlbələh şəhəri də sionist işğalçıların hava və quru hücumlarının hədəfindədir.
Fələstin mənbələri bildiriblər ki, sionist rejim ordusuna məxsus bir helikopter Deyrəlbələh şəhərinin şərqinə hücum edib.
Bu mənbələrin bildirdiyinə görə, Qəzzanın qərbində yerləşən ən-Nəblusi meydanında yardım gözləyən insanlara edilən hücum nəticəsində bir çox insan yaralanıb.
Əl-Məyadin müxbiri, sionist rejimin döyüş təyyarələrinin Deyrəlbələh şəhərinə ağır hava hücumları həyata keçirdiyini bildirib.
Qəzza zolağındakı xəstəxanalar yaralıları qəbul edə bilmir
Deyrəlbələhin cənubunda yerləşən Əbuləccin və Əbuhuli bölgələri də sionist işğalçıların tank hücumlarına məruz qalıb.
Digər tərəfdən, Əl-Şifa Tibb Kompleksinin direktoru bildirib ki, bu mərkəzin bütün imkanları dolub və artıq yeni yaralıları qəbul edə bilmirlər.
Sionist işğalçılar bir daha Deyrəlbələhin cənub-şərq bölgələrinə ağır hücumlar təşkil ediblər.
Qəzzanın qərbindəki Tel əl-Həva məhəlləsində yerləşən qaçqın çadırları da sionist rejimin döyüş təyyarələrinin hücumuna məruz qalıb.
Əlaqədar xəbərlər
