Qəzzədə fəaliyyət göstərən bir İngilis həkiminin sözlərinə görə, İsrail ordusu fələstinli uşaqları məqsədyönlü şəkildə və müəyyən nümunələr əsasında bədənlərinin müxtəlif yerlərindən atəşə tutur.
Qəzzədə yaralıları müalicə edən britaniyalı cərrah, professor Nik Maynard müsahibəsində deyib: İsrail hərbiçiləri fələstinli uşaq və yeniyetmələri bədənlərinin müxtəlif yerlərində qəsdən hədəfə alırlar, sanki bu, bir növ oyundur.
O, “Bir gün bütün güllələr mədədən, ertəsi gün başdan və ya boyundan, ertəsi gün ayağından və ya qolundan atılıb. Sanki bu gün baş, sabah boyun, ertəsi gün isə cinsiyyət orqanını vurmaq qərarına gəliblər” deyə bildirib.
O, həmçinin bildirib ki, yaralananların əksəriyyəti humanitar yardımların paylanması mərkəzlərini ziyarət edərkən güllə yarası alan yeniyetmə oğlanlardır.
Qəzetlərdən biri bu barədə yazıb: “Son həftələr Qəzzəda dinc əhalinin, xüsusən də uşaqların atəşə tutulması ilə bağlı dəfələrlə xəbərlər yayılıb.
Lakin britaniyalı həkimin açıqlamaları bu müharibədə baş verənlərin ən aydın və ağrılı izahatlarından biri hesab olunur.
Fələstinli və beynəlxalq mənbələr Qəzzədə İsrail və ABŞ tərəfindən idarə olunan yardım paylama mərkəzlərinin “ölüm tələlərinə” çevrildiyini dəfələrlə bəyan ediblər.
Əlaqədar xəbərlər
