İran Xarici İşlər Nazirliyinin sözçüsü Kənani Bayden və Lapidin birgə bəyanatına reaksiyada, bildirib ki, nə qədər ki, saxta İsrail rejimi Amerika prezidentlərinin səfərlərinin ilk dayanacağıdır və birinci məqsəd də onun təhlükəsizliyini və üstünlüyünü qorumaqdır, region xalqları və ölkələri sülh və sabitliyə çatmayacaq.
İRİB-nin məlumatına əsasən, ABŞ prezidenti Co Bayden və İsrailin baş naziri Yair Lapidin işğal altındakı Qüdsdə keçirdiyi mətbuat konfransında tərəflər birgə bəyanat imzalayıblar.
Bu bəyanatda hər iki tərəf sionist rejimin region ölkələri ilə əlaqələrini daha da dərinləşdirmək və onu digər ərəb və islam ölkələri ilə genişləndirmək üçün regional struktur yaratmaq üçün ABŞ-ın öhdəliyini vurğulayıblar.
“FARS” xəbər agentliyinin məlumatına görə, İran Xarici İşlər Nazirliyinin sözçüsü Nasir Kənani sosial şəbəkədəki “Twitter” hesabında ABŞ prezidenti Co Bayden və sionist rejimin baş naziri Yair Lapidin imzaladığı birgə bəyanata münasibət bildirib.
Kənani paylaşımında yazıb: “Bayden və Lapidin birgə bəyanatında ABŞ-ın İsrailin təhlükəsizliyini və hərbi üstünlüyünü qoruyub saxlamaqda qəti öhdəliyini vurğulanıb. Səhv başa düşməyin, hədəf təkcə İran deyil; bəyanata görə, ərəb və islam ölkələri də sionist rejimin üstünlüyünü qəbul etməlidir. Ona görə də region üçün əsas təhlükə mənbəyi olduqca aydındır”.
Kanani, həmçinin başqa bir tvitdə yazıb: “Nə qədər ki, saxta İsrail rejimi ABŞ prezidentlərinin səfərinin ilk dayanacağıdır və birinci məqsəd də onun təhlükəsizliyini və üstünlüyünü qorumaqdır, region xalqları və ölkələri sülh, sabitlik və əmin-amanlığa nail ola bilməyəcəklər. İran İslam Respublikası qonşularının təhlükəsizliyini öz təhlükəsizliyi hesab edir”.
Qeyd edək ki, ABŞ prezidenti Co Bayden çərşənbə günü işğal olunmuş ərazilərə daxil olub və İstail rejiminin müvəqqəti baş naziri Yair Lapid, prezidenti İshaq Hersoq, müharibə naziri Benni Qantz və keçmiş baş naziri Neftali Bennett, eləcə də Benyamin Netanyahu ilə görüşüb