Financial Times qəzetinin dərc etdiyi təhlükəli araşdırma, dünyanın ən böyük konsaltinq (məsləhət xidməti göstərən) şirkətlərindən biri olan Boston Consulting Groupun (BCG) Qəzza zolağı sakinlərinin demoqrafik boşaldılması məqsədilə hazırlanmış maliyyə modelində iştirakını üzə çıxarıb. Araşdırmaya görə, “Aurora” adlı gizli layihə çərçivəsində yarım milyondan çox fələstinlinin köçürülməsi nəzərdə tutulur və bunun üçün xarici maliyyə dəstəyi ilə “köçürmə paketləri” hazırlanıb.
Araşdırmada qeyd olunub ki, ABŞ-İsrail dəstəyi ilə yaradılmış və Qəzzada ölüm tələlərinə rəhbərlik edən Qəzza Humanitar Fondu (GHF) bu layihənin icraçı qolu rolunu oynayır; fond guya humanitar yardım göstərdiyini iddia etsə də, indiyədək 751 mülki şəxsin şəhid olmasına, 4.931 nəfərin yaralanmasına və 39 nəfərin itkin düşməsinə səbəb olub. 130 beynəlxalq humanitar təşkilat bu fondla əməkdaşlıqdan imtina edərək onu “İsrailin hərbi məqsədlərinin örtüyü” adlandırıb.
Hesabatda layihəyə gizli maliyyələşmə, ABŞ-ın xüsusi təhlükəsizlik şirkətlərinin dəstəyi və humanitar prinsiplərə zidd fəaliyyətlərin daxil olduğu vurğulanıb; nəticədə bu planlar ifşa olunandan sonra BCG-dəki tərəfdaşlardan bəziləri qovulub.
Qəzzanın hökumət informasiya ofisi yaydığı bəyanatda, məcburi köçürmə cinayətini “guya humanitar həll” kimi təqdim edən bu cinayətkar layihələrin davam etməsinə qarşı xəbərdarlıq edib və bu planlarda iştirak edən və ya onlara dəstək verən bütün tərəfləri fələstinli mülki şəxslərə qarşı törədilən cinayətlərə görə tam məsuliyyət daşıdıqlarını bəyan edib. Ofis həmçinin bu planların nəticəsiz qalmayacağını vurğulayıb.
Bəyanatda qəti şəkildə bildirilib ki, bu təhlükəli məhvetmə planları qəti şəkildə pislənilir və böyük fələstin xalqının bütün müharibə, aclıq, soyqırım və köçürmə cinayətlərinə baxmayaraq öz torpağında qətiyyətlə qalacağı, dəyişməz hüquqlarından əl çəkməyəcəyi və “İsrail” işğalının bütün Fələstin torpaqlarından çəkilməsinə qədər mübarizəni davam etdirəcəyi vurğulanıb.
Əlaqədar xəbərlər
