Xəbər mənbələri fələstinli qaçqınların məskunlaşdığı məktəbə olunan hava hücumunun 10 nəfərin şəhid olması və onlarla insan da yaralanması ilə nəticələndiyini açıqlayıblar.
Xəbər agentliklərindən birinin məlumatına görə, İsrail rejiminin döyüş təyyarələri Qəzzə zolağının şimalında yerləşən Usamə ibn Zeyd məktəbini hədəfə alıb.
Fələstinli qaçqınların məskunlaşdığı məktəbə hücumda bir ailənin 10 üzvü şəhid olub, onlarla insan isə yaralanıb.
Bu cinayətin qurbanlarının hamısının cəsədləri yanıb.
Xarici KİV-in məlumatına görə, İsrail rejimi 2023-cü il Oktyabrın 7-də Qəzzə zolağına qarşı müharibəyə iki əsas məqsədlə başlayıb: HƏMAS hərəkatını məhv etmək və sionist əsirləri bu bölgədən geri qaytarmaq. Lakin bu məqsədlərə nail ola bilməyib və əsirlərin mübadiləsi üçün HƏMAS hərəkatı ilə razılığa gəlməyə məcbur olub.
2025-ci il Yanvarın 19-da HƏMAS və sionist rejim arasında razılaşma əsasında Qəzzə zolağında atəşkəs elan edilib və bir neçə əsir dəyişdirilib. Bununla belə, sionist rejim atəşkəs danışıqlarının ikinci mərhələsinə daxil olmaqdan imtina edərək, 18 Mart 2025-ci il çərşənbə axşamı səhəri atəşkəs şərtlərini pozaraq Qəzzə zolağına hərbi təcavüzünü bərpa edib.
Əlaqədar xəbərlər
