Sionist rejim İyunun 13-ü gecə saat 03:00 radələrində Tehranın müxtəlif məntəqələrini və ölkənin digər şəhərlərini hədəfə alaraq İrana hücum edib.
Xarici KİV-in verdiyi məlumata görə, gecə saat 03:00 radələrində Tehranın müxtəlif yerlərindən partlayış səsləri eşidilib.
Sionist rejimin baş naziri Benyamin Netanyahu verdiyi açıqlamada İsrail rejiminin İrana qarşı hədəfli hərbi əməliyyata başladığını açıqlayıb.
Bu hücumlarda İnqilab Keşikçiləri Korpusunun komandanı general-mayor Səlami, Silahlı Qüvvələrin Baş Qərargah rəisi, general-mayor Məhəmməd Baqiri və Xatəmül-Ənbiya mərkəzi qərargahının komandiri general-mayor Rəşid şəhid olub. Həmçinin; Nüvə alimi Firidun Abbasi, İslami Azad Universitetinin rəhbəri və nüvə alimi Məhəmməd Mehdi Tehrançi də şəhid olublar.
Tehrandakı bir neçə bina, o cümlədən Narmək, Şəhid Məhəllati qəsəbəsi, Şəhid Çamran qəsəbəsi və Çitqar ərazisi hədəfə alınıb.
Eyni zamanda, Həmədan və Natanz da daxil olmaqla, ölkənin bir sıra bölgələrinə hücum xəbərləri yayılıb.
İsrail rejiminin müdafiə naziri İsrael Katz da cümə axşamı, 12 iyun 2025-ci il tarixində bir bəyanat yayaraq, “İsrailin İrana qabaqlayıcı zərbəsi”ndən sonra bütün İsrail rejimi ərazisində fövqəladə vəziyyət elan olunduğunu elan edib.
ABŞ rəsmisi də bildirib ki, İsrail İrana hücumlar başlamazdan əvvəl ABŞ-ı məlumatlandırıb.