30 may tarixində Xan Yunisdə İsrailin həyata keçirdiyi pilotsuz hücum nəticəsində həlak olan şəxsin HƏMAS döyüşçüsü deyil, uşaq yaşlarında keçirdiyi qəza nəticəsində iflic olan mülki fələstinli Məhəmməd əl-Farra olduğu ortaya çıxıb. Bu barədə Haaretz qəzeti məlumat yayıb.
Qəzet hadisənin baş verdiyi ərazini araşdırıb və əl-Farranın yaxınları ilə danışdıqdan sonra onun heç bir silahlı qrupla əlaqəsinin olmadığını təsdiqləyib. Məlumata görə, müharibə başlayandan bəri əl-Farra ailəsinin yeddi üzvü həlak olub.
Hadisədən sonra İsrailin Kanal 12 jurnalisti zərbənin pilotsuz aparatla çəkilmiş görüntülərini Telegram-da paylaşaraq, bir çox israilli istifadəçinin bayraq emojiləri və “like”larla videoya dəstək verdiyini qeyd edib.
Əlaqədar xəbərlər
