Fələstin Səhiyyə Nazirliyinin məlumatına görə, İsrail rejiminin Qəzzə zolağında qida paylama mərkəzlərinə hücumu nəticəsində həyatını itirənlərin sayı 115 nəfərə çatıb və yaralıların sayı isə 1110-u keçib.
Xarici KİV-in məlumatına əsasən, Fələstin Səhiyyə Nazirliyi, İyunun 8-də, 7 Oktyabr 2023-cü ildən Qəzzə müharibəsi qurbanları ilə bağlı son statistik məlumatları dərc edərək, İsrail rejiminin qida paylama mərkəzləri yaxınlığında ac fələstinli qaçqınlara hücumu nəticəsində ölənlərin sayının 115 şəhid və 1110-dan çox yaralı olduğunu bildirib.
Bu hesabata görə, təkcə həmin gün sionist rejimin qida paylama mərkəzlərinə hücumları nəticəsində 5 şəhid və 123-dən çox yaralı xəstəxanalara köçürülüb.
Martın 2-dən etibarən İsrail rejimi qida, su və dərman da daxil olmaqla, bütün əşyaların Qəzzəyə girişini qadağan edib. Birləşmiş Millətlər Təşkilatı qida paylama mərkəzlərinin ac fələstinlilər üçün ölüm meydançasına çevrildiyini etiraf edərək, Qəzzə zolağında qida paylama mərkəzlərində fələstinlilərin öldürülməsinin təsadüfi hadisə olmadığını və fələstinlilərin qida əldə etmək üçün həyatlarını qurban verməyə məcbur edilməməli olduğunu açıqlayıb.
Qəzzədəki Fələstin Səhiyyə Nazirliyinin (İyunun 8-i) verdiyi açıqlamaya görə, Qəzzə zolağının müxtəlif bölgələrində son 24 saatda 108 nəfər şəhid olub, 393 nəfər isə yaralanıb. Bununla da, İsrail rejiminin Martın 18-də Qəzzə zolağına hücumlarını yenidən bərpa etdikdən sonra şəhidlərin sayı 4603-ə, yaralıların sayı isə 181-ə çatıb. Beləliklə, 2023-cü il Oktyabrın 7-dən indiyə qədər Qəzzə müharibəsində şəhid olanların sayı 54 min 880-ə, yaralıların sayı isə 126 min 227-yə yüksəlib.