Sionist köçkünləri çərşənbə günü axşam Ramullahın şərqindəki “Deyr Dəbvan” məntəqəsinə geniş miqyaslı hücum etməklə, İordan çayının qərb sahillərində son həftələrinin ən zorakı hücumlarından birini həyata keçiriblər.
Fələstinin yerli mənbələri çərşənbə günü onlarla sionist köçkününün gözlənilmədən İordan çayının qərb sahillərinin mərkəzindəki yaşayış məhəllələrinə hücum etdiyini, bir neçə evi, şəxsi avtomobili və tövlələri yandırdığını bildiriblər.
Hücum zamanı silahlı hücumçular evləri mühasirə edərək sakinləri evlərə həbs edib, əsas yoldakı avtomobilləri daşla vurublar.
Dərc olunan məlumatlara əsasən, hücumdan sonra xilasedicilərin və yanğın söndürənlərin məntəqəyə girişinə mane olublar.
Fələstin Qırmızı Aypara Cəmiyyətinin hesabatına görə, bu hücumun ardınca 10 Fələstin vətəndaşı yaralanıb. Onlardan ikisi xəstəxanaya göndərilib və digərləri isə yerli bir tibb mərkəzində müalicə edilib.
Şahidlər hücum edənlərin Deyr Dəbvan və Bərqah torpaqlarında tikilmiş yaşayış məntəqələrindən gəldiyini, hətta yaxınlıqdakı kəndə basqın edərək daha çox evi yandırmağa çalışdıqlarını bildiriblər.
Bu hücumlardan sonra Deyr Dəbvan şəhərinin ətraf ərazilərində genişmiqyaslı yanğın baş verib, alov zeytun bağlarına və əkinçilik sahələrinə yayılıb.
Xəbər saytlarından birinin məlumatına görə, İsrail rejimin ordu qüvvələri nəinki hücumu dayandırmayıb, əksinə şəhərin giriş qapısını bağlayıb, insanların giriş-çıxışına mane olub və hücum edənləri faktiki olaraq öz himayəsinə alıblar.
Əlaqədar xəbərlər
