Beynəlxalq yardım təşkilatı “Oxfam” Qəzzədəki faciəvi vəziyyətlə bağlı hesabat yayıb və bildirib ki, sionist rejimin minlərlə humanitar yardım daşıyan yük maşınını saxlaması səbəbindən bu yardımların böyük bir hissəsi xarab olub.
Xarici KİV-in verdiyi məlumata görə, “Oxfam” beynəlxalq yardım təşkilatının Qəzzədəki işçiləri inanılmaz mənzərələrə şahid olublar: zəiflikdən ölən ailələr, təmiz içməli su və qida olmayan cəmiyyət və yalnız az sayda ailənin çörək bişirmək üçün una sahib olması.
Oxfam yaydığı hesabatda vurğulayıb: “Qəzzədə aclıqdan artıq ağlamaq gücü qalmayan uşaqlar var. İsrail iki aydır Qəzzə zolağını tamamilə mühasirəyə alıb və su, qida, dərman girişinə imkan vermir.”
Təşkilat qeyd edir ki, sionistlər minlərlə humanitar yardım daşıyan yük maşınını saxlayıb və bu yardımın böyük hissəsi artıq xarab olub.
Eyni zamanda, bu cinayətlərlə paralel olaraq, sionist hərbçilər 18 Martda bağlanan atəşkəs razılaşmasını pozaraq Qəzzə zolağında soyqırım məqsədilə hücumlarını bərpa ediblər.
Hazırda Qəzzə sakinləri qida və su böhranı ilə üz-üzədir; çörəkxanalar 41 gündür bağlanıb və aclıq iki milyondan çox insanın həyatını təhlükə altına qoyur.
Aclıq; İsrail rejiminin Fələstin xalqının kütləvi qırğını üçün istifadə etdiyi yeni silah
Oxfam Qəzzadədəki aclığın keçici faciə olmadığını, əksinə məqsədli və ciddi şəkildə planlaşdırılmış cinayət olduğunu bildirib. İsrail aclığı müasir dövrdə döyüş silahı kimi istifadə edib və dəhşətli görüntülərə səbəb olub.
Bu beynəlxalq təşkilat sionist rejimin humanitar yardımları hərbi vasitəyə çevirmək planını qətiyyətlə tənqid edərək, bu hərəkəti beynəlxalq humanitar hüququn ciddi pozuntusu hesab edib.
Oxfam vurğulayıb ki, İsrail yardım vasitələrini Qəzzə sakinləri üzərində hakimiyyət qurmaq üçün alətə çevirmək istəyir və bu, mülki şəxslərin həyatını təhlükəyə atmaqla yanaşı, humanitar yardımın neytrallığını da şübhə altına qoyur.
