İslami Müqavimət Hərəkatı HƏMAS bəyanat yayaraq bildirib ki, sionist rejimi yeni vəhşi və dəhşətli cinayətlə Xan Yunis şəhərindəki Nasir xəstəxanasının həkimi doktor Ala ən-Nəccarın evini bombalayıb. Nəticədə, fələstinli həkimin 9 övladı şəhid olub, anaları isə eyni vaxtda xəstəxanada insani vəzifəsini yerinə yetirirdi.
Fələstin İnformasiya Mərkəzinin verdiyi xəbərə görə, HƏMAS bu cinayəti işğalçı rejimin sadi̇st vəhşiliyinin bariz nümunəsi adlandıraraq vurğulayıb ki, bu cür hərəkətlər Netanyahu və onun cinayətkar kabinetinin sonsuz qisas və qan tökmə ruhiyyəsinin göstəricisidir. Onlar insani və əxlaqi prinsiplərə riayət etməyən şəxslərdir.
Hərəkatdan, həmçinin bildirib: “Müharibə başladıqdan bəri, sionist düşmən həkimləri, tibb işçilərini və onların ailələrini qəsdən hədəf alaraq, onların xalqa yardım göstərmək iradəsini qırmağa çalışıb. Bu, müasir tarixdə tibb personalına qarşı törədilmiş ən iyrənc cinayətlərdən biridir.”
Bəyanatın sonunda bildirilib: “Bu cinayətlər zamanla unudulmayacaq və onların məsuliyyətini daşıyanlar gec-tez məsuliyyətə cəlb olunacaq və cəzasını alacaqlar. Bu faşist rejim və onun cinayətkar rəhbərlərinin taleyi məhv olmaqdan başqa bir şey olmayacaq və şəhidlərimizin qanı həmişə onların kabusu olaraq qalacaq.”
Əlaqədar xəbərlər
