Fələstin mediası İsrail ordusunun İordan çayının qərb sahilinin şimalında yerləşən Nablusun şərqinə hücumu nəticəsində bir müqavimət komandiri də daxil olmaqla, iki fələstinlinin şəhid olduğunu bildirib.
Fələstinin xəbər agentliyinin məlumatına görə, İordan çayının qərb sahilinin şimalında yerləşən Nablusun şərqindəki “Əyn Kakub” bölgəsində fələstinli müqavimət döyüşçüləri ilə sionist əsgərləri arasında baş verən silahlı qarşıdurmada Cenin batalyonunun komandirlərindən “Nur Əbdül Kərim əl-Bitavi” şəhid olub.
Bu xəbərə görə, əl-Bitavi ilə birlikdə binanın içərisində mühasirədə olan gənc fələstinli “Hikmət Əbdün-Nəbi” də İsrail əsgərləri tərəfindən vurularaq qətlə yetirilib.
Cümə günü İsrail rejimi qüvvələri işğal altındakı İordan çayının qərb sahilində müxtəlif şəhər və qəsəbələrə geniş reydlər keçirib, çoxlu sayda fələstinlini həbs edib və onların evlərinə basqın edərək fələstinlilərə qarşı pis rəftar edib.
Fələstin xəbər agentliyinin məlumatına görə, sionist köçkünləri İsrail rejimi ordusunun hərbi dəstəyi ilə bu ərazilərdə yaşayan fələstinlilərə hücumlar təşkil ediblər.
İsrail rejimi ordusunun hərbiçiləri Tülkərm və Nur-Şəms düşərgələrinin sərt mühasirəsini davam etdirərək məhəllələrə basqınlar təşkil ediblər, evlərə və nəqliyyat vasitələrinə qarşı ağır atəş açmaqla yanaşı səs bombalarından və pilotsuz uçuş aparatlarından istifadə ediblər.
Bu addım rejimin ötən cümə axşamı elan etdiyi plana əsasən, Tülkərm və Nuru-Şəms düşərgələrində ümumilikdə 106 bina və evin, o cümlədən Tulkarəmdə 58 bina və Nurşəmsdə 48 evin dağıdılması layihəsinin bir hissəsidir.
Bu təcavüz nəticəsində düşərgədə onlarla yaşayış binası tamamilə dağıdılıb və onların sakinləri zorla köçkün salınıblar.
Fələstinin xəbər agentliyi, həmçinin qeyd edib ki, Cenin düşərgəsinə edilən hücum və onun infrastrukturunun məhv edilməsi, sionist rejimin fələstinliləri öz torpaqlarından çıxarmaq və əhalini sıxışdırmaq məqsədilə həyata keçirdiyi sistematik siyasətin bir hissəsidir.
Əlaqədar xəbərlər
