Sionist rejimi bazar günü səhər saatlarında Xan Yunisdəki qaçqın çadırlarını hədəfə almaqla, fələstinli iki ailənin üzvlərini, o cümlədən 4 azyaşlı uşağı qətliam edib.
Sionist rejimi bazar günü səhər saatlarında Qəzzə zolağının cənubunda yerləşən Xan Yunis şəhərinin qərbində fələstinlilərə aid qaçqın çadırlarını hədəfə alaraq öz tarixinə yeni cinayət əlavə edib.
Fələstin media mənbələri iki fələstinli ailədən 4-ü uşaq olmaqla, azı 9 nəfərin şəhid olduğunu bildiriblər.
Mötəsim Məhəmməd Xızır əl-İlmi iki azyaşlı övladı Kənan və Məhəmməd, həmçinin həyat yoldaşı Nədi İsmayıl Yusif əl-İlmi ilə birlikdə şəhid olub. Həmçinin Əbdüssəlam Mahmud Məhəmməd əl-Ağa iki qızı Zeynə və Eylul və həyat yoldaşı Nayfə Sadiq Zəki Üveyzə ilə birlikdə şəhid edilib. Bundan əlavə, sığınacaq çadırında yaşayan daha bir uşaq – Əhməd Məhəmməd Nəsr Fəhcən da şəhid olub.
Jurnalistlərin kameraları bu şəhidlərə aid ürəkağrıdıcı görüntüləri və fələstinli bir körpənin can vermə anlarını lentə alıb.
Bu arada sionist rejimi bazar günü törətdiyi cinayətləri davam etdirərək, top atəşləri ilə Xan Yunis şəhərinin şərqində yerləşən Əbəsan əl-Kəbirə qəsəbəsini hədəf almaqda davam edib.
Digər tərəfdən, Xan Yunis şəhərində yerləşən Nasir xəstəxanasının uşaq şöbəsinin rəhbəri verdiyi açıqlamada Qəzzə zolağında uşaqların vəziyyətinin faciəvi olduğunu və İsrail rejiminin bütöv bir nəsli hədəfə alıb məhv etməyə çalışdığını bildirib.
O, əlavə edib: Qəzzədə sanitariya vəziyyəti son dərəcə ağırdır və işğalçılar Səhiyyə Nazirliyinin imkanlarının 80%-ni sıradan çıxarıblar. Bir çox sağlamlıq problemləri uşaqları təhdid edir, çünki onların anaları əsas qida məhsullarını tapa bilmirlər.
Biz dünya ictimaiyyətindən tələb edirik ki, Fələstin xalqının ərzaq və dərman təminatı üzrə hüquqlarını təmin etsinlər.
Əlaqədar xəbərlər
