Sionist qəsəbə sakinlərinin Fələstin müqaviməti ilə əsir mübadiləsi və Qəzzə müharibəsinə son qoyulması tələbi ilə etiraz aksiyaları yenidən bərpa olunub.
Xarici KİV-in verdiyi məlumata görə, bu etiraz aksiyaları işğal olunmuş ərazilərdə bir neçə müxtəlif şəhərdə başlayıb və etirazçılar Qəzzədə Fələstin müqaviməti ilə əsir mübadiləsinə dair geniş bir razılaşmanın bağlanmasını tələb ediblər.
Sionist əsirlərin ailələri və işğalçı rejimin baş naziri Benyamin Netanyahunun əleyhdarları hər həftə şənbə günləri Qəzzə müharibəsinin davam etməsinə qarşı çıxmaq və əsir mübadiləsini tələb etmək üçün etiraz aksiyaları keçirirlər.
Bu ailələr ötən həftə sionist rejimin parlamenti (Knesset) qarşısında etiraz aksiyası keçiriblər və həmin etiraz aksiyası zorakılıqla nəticələnib.
Sionist rejimin televiziya kanallarından biri xəbər verib ki, bu rejimin polisi parlament (Knesset) qarşısında keçirilən hökumət əleyhinə etiraz aksiyasını zor tətbiq edərək dağıdıb.
Sionist əsirlərin ailələrini təmsil edən assosiasiya da Knesset qarşısında keçiriləcək etiraz aksiyasını elan edərək bildirib: Biz Knesset qarşısında dayanmışıq, lakin xalqın nümayəndələri onların səsinə qulaq asmır.
Həmin assosiasiya əlavə edib: İsraillilərin 84 faizi hesab edir ki, əsirlər (Qəzzədən) geri qaytarılmadan heç bir qələbə mümkün deyil.
Bundan əvvəl, Qəzzədəki sionist əsirlərin ailələrini təmsil edən assosiasiya işğalçı rejimin siyasi və təhlükəsizlik kabinetinin, əsirləri tək buraxmaq və israillilərin milli kimliyini və təhlükəsizliyini əlindən almaq qərarına gəldiyini vurğulamışdı.
Assosiasiya əlavə olaraq bildirib ki, siyasi və təhlükəsizlik kabineti sionistlərin 70 faizindən çoxunun iradəsinə zidd qərar qəbul edib.
Bu çərçivədə əsir düşmüş sionistlərin analarından biri deyib: Kabinetin Qəzzə zolağını tamamilə işğal etmək qərarı yalnız siyasi motivlərlə müharibənin məqsədlərini dəyişmək anlamına gəlir.