Xəbər mənbələri sionist rejimi ordusunun Livanın cənubuna dron hücumu zamanı HƏMAS hərəkatının hərbi qolu olan İzzəddin əl-Qəssam batalyonlarının komandirlərindən birinin şəhid olduğunu bildiriblər.
Xarici KİV-in verdiyi məlumata görə, sionist rejimi ordusu çərşənbə günü səhər saatlarında Livanın cənubunda yerləşən Sayda şəhərindəki “Vilat” məntəqəsində bir avtomobilə dron hücumu həyata keçirib.
Bu məlumata əsasən, bu hücumda “Xalid Əhməd əl-Əhməd” adlı bir insan şəhid olub.
HƏMAS hərəkatı bəyanatında əl-Qəssam batalyonlarının komandirlərindən olan “Xalid Əhməd əl-Əhməd”in şəhid olduğunu açıqlayıb və xatirəsini ehtiramla yad edib.
Bundan əvvəlki gecə də sionist rejimin Livanın cənubunda yerləşən Kəfr Rəman qəsəbəsindəki universitet məhəlləsində mülki avtomobilə dron hücumu nəticəsində 1 nəfər şəhid olub.
Livan mediaları bu barədə bildiriblər ki, sionist rejiminə aid bir dron idarə olunan raketdən istifadə etməklə, Kəfr Rəman və Nəbtiyyə arasında universitet məhəlləsi yolunda mülki bir avtomobili hədəfə alıb.
2023-cü il Oktyabrın 8-də sionist rejim Livana təcavüz etdi ki, bu da 2024-cü il Sentyabrın 23-də bu rejim tərəfindən genişmiqyaslı müharibənin başlanmasına səbəb oldu. Nəticədə 4 mindən çox insan şəhid oldu, təxminən 17 min nəfər yaralandı və təqribən 1 milyon 400 min nəfər didərgin düşdü.
İşğalçı rejim 18 Fevral 2025-ci il tarixində atəşkəs razılaşmasına əsasən, Livan torpaqlarından tamamilə çıxmaq öhdəliyini yerinə yetirməkdən boyun qaçırdı və yalnız qismən geri çəkilərək son zamanlar işğal etdiyi bölgənin əsas yüksəkliklərindən 5 nöqtəni işğalda saxlamaqda davam etdi. Sionist rejim həmin vaxtdan etibarən dəfələrlə Livanda atəşkəsi pozub.
