İsrail rejiminin Livanın cənubundakı Nəbtiyyə əyalətinə hava hücumu nəticəsində 1 nəfər həyatını itirib, 8 nəfər isə yaralanıb.
Cümə axşamı Livanın Milli Xəbər Agentliyi Livanın Səhiyyə Nazirliyinin təcili yardım mərkəzinə istinadən bildirib: İsrail rejiminin bu gün Nəbtiyyəyə hava hücumu nəticəsində ilkin statistikaya əsasən, bir nəfər şəhid olub və 8 nəfər yaralanıb.
Bundan əvvəl Livanın Milli Xəbər Agentliyi sionist rejimin ölkənin cənubundakı Nəbtiyyə bölgəsində, sərhədin sıfır nöqtəsindən 12 kilometr aralıda yerləşən Marj Ayoun bölgəsinə silsilə zərbələr endirdiyini bildirmişdi.
Xarici KİV-in verdiyi məlumata görə, 2023-cü il Oktyabrın 8-də sionist rejimin Livana hücumu, 2024-cü il Sentyabrın 23-də bu rejim tərəfindən genişmiqyaslı müharibənin başlamasına səbəb olmuş, nəticədə 4000-dən çox insan şəhid olmuş, 17 minə yaxın adam yaralanmış və 400 min insan isə didərgin düşüb.
İşğalçı rejim 18 Fevral 2025-ci il tarixində atəşkəs sazişinə əsasən Livan torpaqlarından tam çıxmaq öhdəliyini yerinə yetirməkdən boyun qaçırıb və natamam geriçəkilmə ilə son zamanlar işğal etdiyi bölgənin əsas yüksəkliklərindəki 5 məntəqəni işğal altında saxlamağa davam edib. Sionist rejim həmin vaxtdan bəri dəfələrlə Livanda atəşkəsi pozub.