Müharibənin bərpasının 51-ci günündə İsrail rejiminin Qəzzəyə hücumları aralarında uşaqların da olduğu bir neçə nəfərin şəhid olması və yaralanması ilə nəticələnib.
Xarici KİV-in verdiyi məlumata görə, sionist rejimin Qəzzəyə qarşı müharibəsini yenidən başlatmasının 51-ci günündə bölgə ağır hücumlar və bombardmanlara şahid olub. Fələstin mənbələri Qəzzənin mərkəzində yerləşən əl-Bəric düşərgəsinin şərqindəki Əbu Həmisə məktəbinin çərşənbə axşamı gecəsi bombardman edildiyini, 20 fələstinlinin və qadınların da olduğu, onlarla uşaq və yaralının həyatını itirdiyini açıqlayıb.
Bu xəbərə görə, bir müddət sonra məktəb yenidən işğalçıların hava hücumuna məruz qalıb, nəticədə daha 10 nəfər şəhid olub, 50-yə yaxın insan isə yaralanıb.
Eyni zamanda, İsrail rejiminin artilleriyası Qəzzə şəhərinin şərqindəki “ət-Tuffah” məhəlləsinin şərqini də güclü atəşə tutub.
Fələstin mənbələri, həmçinin Qəzzənin şimalında yerləşən Cəbaliyənin şərqindəki “Təl əz-Zətər”də bir evin partladılması nəticəsində 3 nəfərin həyatını itirdiyini və bir neçə nəfərin isə yaralandığını bildirib.
Xəbər agentliklərindən birinin müxbiri İsrail rejiminin çərşənbə günü səhər saatlarında etibarən Qəzzənin müxtəlif bölgələrinə etdiyi hücumlarda 16 fələstinlinin şəhid olduğunu bildirib. Bu, tibbi mənbələrin çərşənbə axşamı rejimin Qəzzəyə hücumları zamanı ən azı 66 fələstinlinin şəhid olduğunu açıqladığı vaxta təsadüf edir.
Həmçinin İsrail rejiminin Xan Yunisdəki bir evə endirdiyi hava hücumu zamanı bir fələstinli qız da daxil olmaqla, 8 nəfər şəhid olub. İsrail hava qüvvələrinin Xan Yunisin mərkəzindəki evə endirdiyi zərbələr zamanı kiçik qız da dünyasını dəyişib, bir neçə nəfər isə yaralanıb.
Fələstin mənbələri də işğalçı qüvvələrin Qəzzənin mərkəzindəki Deyr əl-Bələhdə qaçqın çadırına hücumları zamanı 3 nəfərin şəhid olduğunu bildirib.
Məlumata əsasən, Qəzzə Səhiyyə Nazirliyi çərşənbə axşamı günü elan edib ki, 2025-ci il Martın 18-dən Qəzzə zolağına qarşı təcavüzün yeni mərhələsinin başlanmasından bu yana 2507 nəfər şəhid olub, 6711 nəfər yaralanıb. Bu şəhidlərin də əlavə olunması ilə, 7 Oktyabr 2023-cü ildən başlayaraq “əl-Əqsa Tufanı” əməliyyatının başlanmasından bu yana Qəzzədə ümumilikdə şəhidlərin sayı 52.615 nəfərə, yaralıların sayı isə 118.752 nəfərə çatıb.