İsrail ordusunda Netanyahu kabinetinin siyasətlərinə və Qəzzəyə qarşı müharibənin yenidən başlamasına etirazlar davam edərkən, bu dəfə 500 dəniz zabiti müharibənin dayandırılması və məhbusların azad edilməsi tələbi ilə müraciət imzalayıb.
Sionist rejimin radio və televiziya təşkilatı bildirib ki, ordunun ehtiyatda olan dəniz qüvvələrinin təxminən 500 zabit kursu məzunu bir müraciət imzalayaraq əsirlərin azad edilməsini və Qəzzədə müharibənin dayandırılmasını tələb ediblər.
İvritdilli medianın yazdığına görə, müraciəti imzalayanların arasında dörd keçmiş Hərbi Dəniz Qüvvələrinin komandanının – ehtiyatda olan general Ami Ayalon, ehtiyatda olan general Dudu Ben Başat, ehtiyatda olan general Aleks Tal və ehtiyatda olan general Yedidya Yaari – adları da var.
İvrit dilli saytlardan biri də həftənin çərşənbə axşamı səhər saatlarında xəbər verib ki, İsrail ordusunun ehtiyatda olan hərbçiləri bu rejimin baş naziri Benyamin Netanyahudan müharibəni dayandırmasını və əsirləri geri qaytarmasını tələb ediblər.
Sayt, həmçinin bildirib ki, yüzlərlə ehtiyatda olan İsrail hərbçisi bu müraciətlərdə Netanyahunun hüquq-mühafizə orqanlarının rəsmilərinə qarşı təhrikedici çağırışlar etdiyini və onların təhlükəsizliyini risk altına atdığını bildiriblər.
Bu sayt həmin müraciəti imzalayan hərbçilərin İsrail ordusunun kibertəhlükəsizlik və xüsusi əməliyyatlar bölmələrində xidmət edən şəxslər olduğunu yazıb.
Bununla əlaqədar olaraq İsrail qəzeti təxminən 200 əsir ailəsi və fəalının Qəzzə müharibəsinin dayandırılmasını istəyən əsgər və pilotlara dəstək mesajı yayımladığını qeyd edib.
Digər bir qəzet də cəmi 48 saatdan az bir müddətdə orduya məxsus zirehli qüvvələrdən, o cümlədən bir neçə general daxil olmaqla, 1525 hərbçinin Qəzzə müharibəsinə qarşı etiraz müraciətini imzalafığını bildirib.
Qəzet, həmçinin əlavə edib ki, bu müraciət kampaniyasına İsrail ordusunun sabiq Baş Qərargah rəisi Dan Halutz və keçmiş baş nazir Ehud Barak da qoşulublar və Netanyahunun siyasətlərinə qarşı çıxaraq müharibənin dayandırılmasını və əsirlərin azad edilməsini tələb ediblər.
Bundan əvvəl, İsrail TV kanallarından biri də xəbər vermişdi ki, ordu kəşfiyyatına bağlı olan 8200 saylı casusluq birliyinin yüzlərlə ehtiyatda olan hərbçisi də müharibənin dayandırılması üçün pilotların etiraz müraciətinə dəstək verdiklərini açıqlayıblar.
İşğal olunmuş şəhərlərdə məhbus mübadiləsi sazişinin imzalanması üçün həftəlik nümayişlər davam edir. Etiraz İsrailin hərbi strukturunda dərin fikir ayrılığını vurğulayır və Netanyahunun kabinetinin müharibəni davam etdirmək qabiliyyətinə dair suallar doğurur.