Xəbər mənbələri atəşkəsi pozduğunu və İsrail ordusunun Livanın cənubunda bir avtomobilə pilotsuz təyyarə ilə hücum etdiyini bildirib.
Livan mediasının məlumatına görə, İsrail rejiminin ordusu Cənubi Livanda Həcər bölgəsindən əl-Ğənduriyyəyə gedən yol üzərindəki bir avtomobilə dron hücumu həyata keçirib. Bu hücum nəticəsində bir nəfər şəhid olub, bir nəfər isə yaralanıb.
Bundan əlavə, İsrail rejimi 22 aprel 2024-cü il tarixində Bint Cubeyl bölgəsindəki Əyta Şəb kəndini artilleriya atəşinə tutub.
Eyni zamanda, İsrail ordusu çərşənbə günü Livanda bir İsrail təyyarəsinin düşdüyünü açıqlayıb. Hərbi bəyanatda qeyd olunub ki, bu hadisə texniki nasazlıq nəticəsində baş verib.
İsrail rejimi 2024-cü ilin 1 Oktyabrında Livana qarşı təcavüzkar hücumlara başlamış və iki ay sonra ABŞ-ın vasitəçiliyi ilə 7 Dekabr tarixində atəşkəs müqaviləsi imzalayıb.
Atəşkəsə görə İsrail hərbiçiləri 60 gün ərzində Cənubi Livanı tərk etməli idilər, lakin İsrail rejimi atəşkəsi pozaraq beynəlxalq qanunlara zidd olaraq Cənubi Livanda beş strateji mövqedə öz qüvvələrini saxlayıb və bu ərazini tərk etməyib. Bu atəşkəsin imzalanmasından sonra İsrail rejimi dəfələrlə atəşkəsi pozmuş və Livana qarşı hücumlarını davam etdirmişdir.