Qəzzə Dövlət İnformasiya İdarəsi İsrail rejiminin Qəzzə şəhərinin şərqində və mərkəzində 700 mindən çox insanı su ilə təmin edən iki su ötürücü xəttini kəsdiyini açıqlayıb.
Qəzzə Dövlət İnformasiya İdarəsi: İşğalçı rejim Qəzzədə suyun istismarı üçün lazım olan su, elektrik və yanacaq infrastrukturunu hədəfə alır.
Qəzzə Dövlət İnformasiya İdarəsi bildirib: İşğalçı rejim Qəzzənin şərqində və Mərkəzi Qəzzə vilayətində yerləşən iki Mekorot su xəttini sıradan çıxarıb. Bu iki Mekorot su xətti 700 mindən çox insanı su ilə təmin edirdi.
Qəzzə Dövlət İnformasiya İdarəsi işğalçı rejimin Deyr əl-Bələh su stansiyasını enerji ilə təmin edən elektrik xəttini sıradan çıxardığını və bunun da 800 min insanın həyatını təhlükə altına saldığını vurğulayıb.
Adıçəkilən qurum əlavə olaraq bildirib ki, sionist rejim qüvvələri Qəzzə zolağında su və kanalizasiya infrastrukturunun 90 faizindən çoxunu dağıdıblar.
Qəzzə Dövlət İnformasiya İdarəsindən bildirilib: Qəzzə zolağı sakinlərinin sudan məhrum edilməsi nəticəsində böyük bir humanitar və ekoloji fəlakətin baş verəcəyi ilə bağlı xəbərdarlıq edirik.
Bu qurum Beynəlxalq Cinayət Məhkəməsindən suyu bir silah kimi istifadə etdiklərinə görə işğalçı rejimin rəhbərləri barəsində həbs qərarı çıxarmasını tələb edib.
Qəzzə Dövlət İnformasiya İdarəsi, həmçinin bəyan edib: Biz işğalçı rejimi, Vaşinqtonu və bu kütləvi qırğınlarda ona şərik olan ölkələri 2 milyon 400 min insanın həyatına görə məsul bilirik.
