Livan mənbələri sionist rejimin Cənubi Livanda yerləşən Zəbqin şəhərində bir avtomobili hava hücumu ilə hədəfə aldığını xəbər veriblər.
Bu barədə Livan rəsmi xəbər agentliyi sionist rejimin Livanın cənubunda yerləşən Nəqura şəhərciyindən Sur şəhərinə gedən yol üzərində bir avtomobili hədəf aldığını bildirib.
Verilən məlumata görə, Livan Sağlamlıq Nazirliyinin Təcili Yardım Mərkəzi sionist düşmənin Zəbqin şəhərinə hücumu nəticəsində 2 nəfərin şəhid olduğunu açıqlayıb.
Xarici KİV-in verdiyi məlumata əsasən, Livan Sağlamlıq Nazirliyindən bildiriblər ki, sionist rejimi həftənin bazar günü hava hücumu ilə Livanın cənubunda yerləşən Zəbqin bölgəsini hədəf alıb və bu hücumda 2 nəfər şəhid olub.
Sionist rejimi ordusu iddia edib ki, bu iki şəhid Hizbullah qüvvələrinin üzvləri olub və mühəndislik sahəsində fəaliyyət göstərirdilər.
Cümə günü səhər sionist rejimi Livanın cənubunda yerləşən Sidon şəhərində bir mənzilə hücum edərək, HƏMAS hərəkatının liderlərindən olan Həsən Farhatı və onun oğlu ilə qızını şəhid edib.
Sionist rejimi atəşkəsi dəfələrlə pozaraq, qoşunlarını Livan ərazisindən çıxarmaqdan imtina edir və bu ölkəyə çoxsaylı hava zərbələri endirməklə, ABŞ-ın himayəsi altında öz cinayətkarlığını və qətllərini davam etdirir.