Sionist rejim Fələstinin Ən-Nəqib bölgəsində sionistlər üçün iki yeni şəhərin tikintisinə icazə verib.
Bu qəsəbələrdə 200 mindən çox sionistin yerləşdiriləcəyi gözlənilir. Sionist rejimin Nazirlər Kabineti çərşənbə axşamı günü işğal altındakı Ən-Nəqibdə sionistlər üçün iki yeni qəsəbə tikmək barədə qərar qəbul edib.
“Ərad” ərazisi yaxınlığında salınacaq olan birinci qəsəbə ekstremist pravoslav yəhudilər üçün nəzərdə tutulub.
“Əl-Ərəbi Əl-Cədid” qəzetinin bildirdiyinə görə, qəsəbədə 100 mindən çox sionist mühacirin yerləşdiriləcəyi gözlənilir. Şəhərdə tibb məntəqəsinin və müasir sənaye obyektlərinin tikintisi də nəzərdə tutulub. Burada sekular yəhudilər məskunlaşacaq.
İsrailin mənzil-tikinti naziri Zion Alkin və Daxili İşlər naziri Ayalet Şaked Arad bölgəsində ekstremist pravoslav yəhudilər üçün yaxınlıqdakı Kasif şəhərciyinin salınmasını təklif etmişdilər. Bu şəhərcikdə 20.000 mənzil tikilməlidir və təxminən 100.000-125.000 sionist burada yerləşdiriləcəkdir.
Nitsana şəhərciyi Misir sərhədi yaxınlığında yerləşir və burada 2200-ə yaxın sionist ailənin yaşaması nəzərdə tutulub.
Bu şəhərcik Ən-Nəqib torpaqlarında digər şəhərciklərin salınması üçün başlanğıc nöqtəsidir.
İki layihəni alqışlayan İsrailin Daxili İşlər naziri Ayalet Şaked deyib: “Bu, İsraildəki ən pis mənzil böhranını həll etməyə kömək edəcək mühüm addımdır.”
Dünya ölkələrinin Rusiya və Ukrayna böhranı ilə məşğul olduğu bir vaxtda Ən-Niqabda Fələstin xalqının evlərinin sökülməsi prosesi artıb, xüsusilə gənc cütlüklər və ya evlərini təmir etməyi planlaşdıran kəslərin evləri bu təhlükə ilə qarşı-qarşıyadır.
Sionist rejim Fələstin xalqının sakinlərini mühacirətə məcbur etmək niyyətindədir, lakin bu bölgə xalqı sionist rejimə qarşı mübarizəni davam etdirir və öz evlərini tərk etməyəcəklərinə təkid edir.
Fələstinin Ən-Nəqib şəhərində 200 mindən çox sionistin məskunlaşması üçün 2 qəsəbə salınır – Video
