“Əl-Əqsa” radiosunun jurnalisti və aparıcısı Məhəmməd Saleh əl-Bərduvil sionist rejimin qırıcılarının hücumu nəticəsində həyat yoldaşı və övladları ilə birlikdə şəhid olub.
“Əl-Əqsa” radiosunun məlumatına görə, dünən səhər saatlarında jurnalist və aparıcı Məhəmməd Saleh əl-Bərduvilhəyat yoldaşı və üç övladı ilə birlikdə sionist rejimin qırıcılarının hücumu nəticəsindəşəhid olub.
Bu bəyanatda qeyd edilib: Sionist rejimin hərbi qüvvələri fələstinli jurnalistləri hədəf alaraq, həqiqət işığını söndürməyə və işğalçıların cinayətlərinin fələstinlilər tərəfindən təsvir edilməsinin qarşısını almağa çalışırlar.
“Əl-Əqsa” radiosu vurğulayıb ki, işğalçılar Fələstin xalqının iradəsini sarsıtmaqda uğursuz olublar və bu şəhidin iş yoldaşları onun yolunu davam etdirəcəklər.
Sionist rejimin qırıcıları dünən səhər saatlarında əl-Əqsa radiosunun aparıcısı olan şəhid Məhəmməd Saleh əl-Bərduvilin Xan Yunisdəki yaşayış evini bombalayıblar.
Bu cinayətdə Məhəmməd Saleh əl-Bərduvil həyat yoldaşı və üç övladı ilə birlikdə şəhid olub.
Sionist rejimin qırıcıları Mart ayının 24-ü “Fələstin əl-Yovm” xəbər saytının jurnalisti Məhəmməd Mənsurun evini bombalayaraq, onu və həyat yoldaşını şəhid ediblər.
Sionist rejimi 7 Oktyabr 2023 tarixindən etibarən, Qəzzə zolağında sionist rejimin soyqırım müharibəsinin başlanmasından bəri, həqiqətləri ifadə edən səsləri boğmağa çalışır. Bu müddət ərzində jurnalistlər və yazıçıları davamlı atəşə tutaraq, beynəlxalq hüquqlara zidd bir şəkildə 200-dən çox jurnalisti şəhid edib.