Fələstin müqavimət qrupları Tel-Əvivin Bəni-Bərak şəhərində anti-sionist əməliyyatını təbrik edərək, işğalçı və terrorçu rejimin yalnız güc və zorakılıqdan anladığını vurğulayıb.
Tel-Əvivin Bəni-Bərak bölgəsində fələstinli gəncin 5 sionistin öldürülməsi ilə nəticələnən şəhadət əməliyyatı Fələstin müqavimət qrupları tərəfindən müsbət qarşılanıb.
Müqavimət əməliyyatları işğalçı rejimin terroruna cavab olaraq keçirilib.
HƏMAS zorla Fələstin torpaqlarında yerləşdirilən sionistlərə qarşı müqavimət əməliyyatını təbrik edib və deyib:
Fələstin xalqının oğullarının işğal olunmuş ərazilərin hər bir guşəsində cəsarətli əməliyyatları işğalçı rejimin Fələstinə qarşı terrorizm və cinayətlərinin artmasına təbii və hüquqi cavab idi.
O, əlavə edib: Biz işğalçı rejimə cinayətlərinin artmasının nəticələri barədə dəfələrlə xəbərdarlıq etmişik, çünki Fələstin xalqı heç vaxt əli-qolu bağlı dayanmayacaq və terrorla mübarizə üçün istənilən vasitəyə əl atacaq.
HƏMAS vurğulayıb: Fələstin xalqı Qüdsün, Məscidül-Əqsanın və işğal olunmuş bütün torpaqlarının müdafiəçisi olaraq qalacaq və onu hərtərəfli müqavimətlə müdafiə edəcək. Çünki yeganə yol işğalçı rejimi ərazilərimizdən qovana qədər mübarizə aparmaqdır.
Bəni-Bərak əməliyyatı övladları öldürülən fələstinli anaların fəryadına cavab idi
Fələstin İslami Cihad hərəkatı da Bəni-Bərak əməliyyatını fələstinlilərin işğalçı rejimin təcavüz və terrorizminə cavab kimi dəyərləndirib.
Hərəkat əlavə edib: “İşğalçı rejim öz cinayətlərinin nəticələrinə görə tamamilə məsuliyyət daşıyır və bu əməliyyat işğalçı rejim və onun qəsəbə sakinlərinin törətdiyi qırğın və qətllərə təbii reaksiyadır.
Bu əməliyyat sionist düşmənin törətdiyi cinayətlər zamanı öz yaxınlarını itirmiş qadınların, uşaq və övladını itirmiş ataların fəryadlarına cavabdır. Halbuki, beynəlxalq ictimaiyyətin dili sionistlərin bu cinayətləri qarşısında lal olmuşdu.”
Hərəkat fələstinlilərin işğalçı rejimin cinayətlərinə qarşı müqavimətini davam etdirməsinin vacibliyini vurğulayıb.
Sionist düşmənin təhlükəsizlik məğlubiyyəti
Fələstin Müqavimət Komitələri Bəni-Bərak əməliyyatı münasibətilə təbrik deyərək, bunu sionist düşmənin təhlükəsizlik sistemi üçün yeni məğlubiyyət adlandırıb.
Fələstindəki Müqavimət Komitələrinin bəyanatında deyilir: Bu əməliyyat göstərir ki, Fələstin xalqının övladları sionist rejimin davamlı təcavüzünə cavab olaraq müqavimət və fədakarlıq ruhuna malikdirlər.
Xalq Cəbhəsi də bəyanatında vurğulayıb: Təl-Əviv əməliyyatı düşmənə və sionistlərə sərt mesajdır.
İşğalçı rejim güc və zorakılıq dilindən başqa, heç nə anlamır!
26 yaşlı fələstinli gənc çərşənbə axşamı Tel-Əvivin Bəni-Bərak bölgəsində sionist işğalçıları atəşə tutaraq ən azı 5 sionisti öldürüb, üç nəfəri isə yaralayıb.
Əlaqədar xəbərlər
