Sionist rejimin pilotsuz təyyarələri və tanklarının səhər Qəzzəyə qarşı şiddətlənən hücumları nəticəsində iki Fələstin vətəndaşı şəhid olub.
Verilən məlumata əsasən, sionist rejimin tankları səhər saatlarında Qəzza zolağının cənubundakı Rəfah keçidinin ətrafını geniş şəkildə atəşə tutub.
Qəzzanın cənubunda yerləşən Rəfah şəhərinin şərqində sionist rejimin pilotsuz təyyarələrinin Fələstin vətəndaşlarına qarşı hücumları nəticəsində 2 fələstinli şəhid olub.
Xarici KİV-in verdiyi məlumata görə, Qəzza zolağının cənubundakı Rəfahın şərqindəki Əbu Həlavə bölgəsində İsrailə məxsus pilotsuz təyyarənin fələstinliləri hədəf aldığını və nəticədə iki fələstinlinin həyatını itirdiyini bildirib.
Amerika qəzeti ərəb vasitəçilərinə istinadən yazıb ki, sionist rejimi HƏMAS hərəkatına qarşı sanksiyaların artırılması və hərtərəfli müharibəyə qayıtmaq ehtimalı ilə bağlı xəbərdarlıq edib. Bu Amerika qəzeti sionist rejimin daxili təhlükəsizlik üzrə keçmiş müşavirindən sitat gətirib və bildirib ki, HƏMAS-ı məhv etmək üçün Qəzzəni işğal etməkdən başqa heç bir yol yoxdur və Təl-Əvivə HƏMAS-ı məğlub etmək üçün ən azı 6 ay lazımdır.
Bu iddia sionist rejimin 15 ay ərzində Qəzzənin demək olar ki, bütün ərazilərinə nəzarət etdiyi və bəzi bölgələrdə bir neçə dəfə hərbi əməliyyatlar apardığı, lakin HƏMAS-ı məhv edə bilmədiyi bir vaxtda irəli sürülüb.
Sionist rejimi ötən ilin Yanvar ayında HƏMAS ilə atəşkəs sazişi imzalamışdı, lakin razılaşmanın bəndlərini pozaraq, danışıqların ikinci mərhələsinə daxil olmağın qarşısını alır və birinci mərhələnin uzadılmasının kölgəsində Qəzzədə qalan israilli əsirlərin azad edilməsində israrlıdır.