HƏMAS bəyanatında İsrailin Cənin düşərgəsinə hücumunu pisləyib və sionistlərə qarşı daha böyük mübarizə ilə bağlı xəbərdarlıq edib.
HƏMAS İslami Müqavimət Hərəkatı cümə axşamı sionist hərbçilərin Cənin düşərgəsinə hücumuna reaksiya verib və Fələstin müqavimətinin cavabını vurğulayıb.
“Russia Today”-in məlumatına görə, HƏMAS hərəkatı verdiyi bəyanatda deyib: “İsrail ordusunun fələstinlilərə qarşı təcavüzünə lazımi cavabı verəcəyik və bu cavab işğalçılar və onların sionist qəsəbə sakinləri ilə müqavimət arasında toqquşmalarının artması demək olacaq.”
“Biz işğalçı rejimin cinayətlərinin davam etməsi və partlayış mərhələsinə çatması barədə xəbərdarlıq edirik. Belə ki, müqavimət və cavabımız əvvəlkindən daha güclü və ağrılı olacaq. O zaman bütün işğal altında olan torpaqlarımızda millətin bütün övladları ayağa qalxacaq. Bu, azad insanların vədidir.” – deyə, HƏMAS bildirib.
Fələstin müqavimət hərəkatı əlavə edib: “Hegemon düşmənimiz bilir ki, millətimizin övladlarının qanı dəyərsiz deyil və HƏMAS şəhidlərlə bağladığı əhdə əməl edəcək. HƏMAS İslami hərəkatı müqavimət göstərməyə, işğalçılara qarşı mübarizəyə və Fələstin övladlarına dəstək olmağa davam edəcək.”
“Biz cihad, şəhadət və böyük qələbələr ayı olan Ramazan ayı ərəfəsindəyik.” – deyə, bəyanatın sonunda bildirilib.
Bu gün səhər sionist hərbçilər Cənində fələstinlilərin düşərgəsinə hücum edərək iki gənci öldürüb, 15 nəfəri yaralayıblar. Bu hərəkətdən sonra Fələstin İslami Cihad Hərəkatının “Sərayəl-Qüds” qanadı ümumi səfərbərlik elan edib.
Fələstin Səhiyyə Nazirliyi bu gün İsrail əsgərlərinin Cənin Dövlət Xəstəxanasına hücumunu və oradakı fələstinliləri güllələməsini pisləyib. İşğalçı rejim qüvvələri xəstəxanaya gözyaşardıcı qaz ataraq, xəstələri və uşaqları boğmaqla yanaşı, bugünkü hücumda yaralılara yardım prosesinə də mane olub.
Əlaqədar xəbərlər
